Şou-biznes

Tanınmış aparıcının canlı yayımda "filtri sürüşdü" – gündəm oldu - VİDEO

12 Fevral 2026 19:01

Baxış: 6 952

VTB-də minimal faiz dərəcəsi ilə nağd kredit 9.9%-dən

#VİDEO #MƏŞHURLAR #APARICI #TÜRKİYƏ ŞOUBİZNESİ

Türkiyəli aparıcı Didem Arslanın canlı yayım zamanı istifadə etdiyi filtrin sürüşməsi sosial media və maqazin gündəmini zəbt edib.

Milli.Az Türkiyə mətbuatına istinadən xəbər verir ki, televiziya proqramı zamanı kameralar qarşısında olan aparıcının üzünə tətbiq edilən filtr bir anda yerindən tərpənərək onun təbii görüntüsünü ekrana əks etdirib.

Bu anlar qısa müddətdə sosial şəbəkələrdə yayılıb və çoxsaylı rəy və paylaşımlara səbəb olub. Uzun müddətdir efirdə filtrli görüntü ilə diqqət çəkən Didem Arslanın təbii halını görən izləyicilər müxtəlif reaksiyalar veriblər.

Bəzi istifadəçilər hadisəni əyləncəli qarşılayaraq zarafatla şərhlər yazıblar. Digərləriisə filtrin sürüşməsinin tamamilə normal hal olduğunu, insanların təbii görkəmi ilə qəbul edilməsinin vacibliyini vurğulayıblar. Hətta bir qrup izləyici aparıcının təbii halının da olduqca gözəl olduğunu bildirərək filtrlərin lazımsız olduğunu qeyd edib.

Məlumdur ki, hazırda həm sosial mediada, həm də televiziya məkanında rəqəmsal filtrlərdən geniş istifadə olunur. Bir çox tanınmış sima daha estetik görünmək üçün bu vasitələrə üstünlük verir. Lakin bu hadisə "filtr" və "gerçəklik" mövzusunu yenidən müzakirəyə çıxarıb.

Didem Arslan baş verənlə bağlı hələlik rəsmi açıqlama verməyib. Buna baxmayaraq, proqramı əvvəlki kimi yüksək maraqla izlənilir və kiçik texniki nasazlıq belə aparıcını yenidən gündəmə gətirməyə kifayət edib.

Milli.Az