Şou-biznes

Fatih Ürek reanimasiyada olarkən evi talan edilib?

4 Fevral 2026 10:15

Baxış: 2 188

VTB-də minimal faiz dərəcəsi ilə nağd kredit 9.9%-dən

#TÜRKİYƏ #AİLƏ #MÜĞƏNNİ #TÜRKİYƏ ŞOUBİZNESİ

Türkiyəli sənətçi Fatih Ürekin vəfatından sonra ailəsinə qarşı irəli sürülən ciddi iddialar diqqət mərkəzinə düşüb.

Milli.Az xəbər verir ki, aparıcı Nur Tuğba Namlı sənətçinin reanimasiyada müalicə aldığı müddətdə İstanbul və Bodrumdakı evlərinin talan edildiyini iddia edib.

107 gün reanimasiyada müalicə alan və 59 yaşında vəfat edən Fatih Ürek bazar günü torpağa tapşırılıb. Onun ölümündən dərhal sonra ailə üzvləri ilə bağlı səsləndirilən ittihamlar mediada geniş müzakirələrə səbəb olub.

"Gəlin danışaq" verilişində çıxış edən Nur Tuğba Namlı bildirib ki, Fatih Ürek həyatı uğrunda mübarizə apararkən evlərindən qiymətli əşyalar götürülüb. Aparıcı iddialarını etibarlı mənbəyə əsaslandırdığını vurğulayaraq, əks halda bu mövzunu gündəmə gətirməyəcəyini deyib.

Namlının sözlərinə görə, sənətçiyə məxsus qızıl bilərziklər hazırda başqa şəxslərin üzərindədir, xəz paltolar isə İzmirə aparılıb. O, həmçinin Fatih Ürek hələ sağ ikən İstanbul və Bodrumdakı evlərində oğurluq hadisələrinin baş verdiyini iddia edib.

Qeyd edək ki, Fatih Ürekin ailə üzvləri hələlik səsləndirilən iddialarla bağlı rəsmi açıqlama verməyiblər.

Fidan
Milli.Az