Şou-biznes

Türkiyədə dörd məşhurun narkotik testi müsbət çıxdı

6 Yanvar 2026 22:35

Baxış: 2 467

VTB-də minimal faiz dərəcəsi ilə nağd kredit 9.9%-dən

#TÜRKİYƏ

İstanbulda aparılan narkotik istintaqı çərçivəsində aralarında aktyorlar və sosial media fenomenlərinin də olduğu bir qrup məşhurun test nəticələri bəlli olub. Məhkəmə Tibbi Ekspertiza Qurumu tərəfindən götürülən nümunələrdə bəzi adların nəticəsi "müsbət", bəzilərinin isə "mənfi" çıxıb.

Milli.Az xəbər verir ki, Məhkəmə Tibbi Ekspertiza Qurumunda saç və qan nümunələri analiz edilən aşağıdakı şəxslərin test nəticələrində "kokain" maddəsi aşkar edilib:

Melisa Döngel (Aktrisa)

Ezgi Eyüboğlu (Aktrisa)

Cihan Şensözlü (Hürriyet yazarı - hazırda həbsdədir)

Mümine Senna Yıldız (Sosial media fenomeni)

Gizem Türedi (Model)

Recep Men (Kikboksçu)

İsmail Ahmet Akçay, Yiğit Macit və Mehmet Ali Gül.

Fənərbağça İdman Klubunun prezidenti Sadettin Sarandan götürülən nümunələrdə fərqli nəticələr əldə olunub. Onun saç nümunəsində kokain testi pozitiv çıxdığı halda; qan, sidik və dırnaq nümunələrində nəticə mənfi olub. İstintaq çərçivəsində yoxlanılan digər iki məşhurun nəticələrində isə heç bir narkotik maddəyə rast gəlinməyib:

İrem Sak (Aktrisa)

Danla Biliç (Damla Aktepe - Sosial media fenomeni)

İstanbul Respublika Baş Prokurorluğu tərəfindən məşhur simalara qarşı başladılan bu istintaq prosesi davam edir.

Lalə Qüdrətova
Milli.Az