Şou-biznes

"Meyxana "tərbiyəsizlikdir"" - "elə söz deyərəm klarneti əlinə almaz" - efirdə gərgin anlar

24 Sentyabr 2025 14:43

Baxış: 988

VTB-də yüksək depozit faizleri daha çox qazandırır

#ŞOU-BİZNES #MƏŞHURLAR #QALMAQAL #MEYXANA

Klarnet ifaçısı Hüseyn Məhəmmədoğlu qalmaqallı açıqlama verib.

Milli.Az xəbər verir ki, o, qonaq olduğu "Günə uğurla" verilişində meyxanaların uşaqların tərbiyəsini pozduğunu bildirib.

Sənətçi bu sözlərlə fikirlərini əsaslandırıb:

"Bəzi meyxanalar var ki, uşaqların tərbiyəsin korlayır. Həmin meyxanalara qulaq asmaq olmaz. Elə məclislər var ki, orada səslənən meyxana gənclərin və uşaqların tərbiyəsinə ziyandır. Düzgün meyxanaya dəyər verən insanam. Onlar mənim üçün qeyri-adi istedada malik olanlardır. Amma bəzi məclislərdə səslənən meyxanalar... Onların qarşısına fakt da qoyaram, deyərəm baxın. Amma gənclərin düzgün formalaşmağına ziyan olan meyxanalar da var".

Meyxanaçı Orxan Lökbatanlı isə klarnet ifaçısına sərt sözlərlə qarşılıq verib:

"Hüseynin toyu azalan kimi meyxanadan danışır. Tərbiyə evdən başlayır. Ot kökü üstündə bitər. Evdə tərbiyələnən uşağa çöldə nə etsən də pozulmaz. Tərbiyəsi pozulmağa meyilli adam evdə də, çöldə də pozulacaq. Nə oldu hər şey qaldı kənara meyxana pozdu hamını? Bir-iki il əvvəl klarnet ifası ilə də tərbiyə pozulurdu. Onlara qulaq asanda başqa cür yaşamaq istəyirdilər. Kim yaddan çıxır, məclisi azalır meyxanadan danışır. Tərbiyəli uşaq onu evdən alır. Deyir, fakt qoyaram. Qarşına elə fakt qoyaram ki, klarnet ifa etməzsən. Hər şeyi danışmaq tərbiyəsizlikdir. Hüseyn acıdil adamdır, kimə nə gəldi deyir. Müharibə vaxtı heç bir klarnet ifaçısını cəbhədə görmədim. Amma bütün meyxanaçılar cəbhədə idi".

Musa
Milli.Az