Şou-biznes

“Altıncı hiss”in aktyoru saxlanıldı - FOTO

18 Aprel 2025 10:24

Baxış: 469

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #DÜNYADA #MARAQLI

Məşhur "Altıncı Hiss" (The Sixth Sense) filminin ulduzu, amerikalı aktyor Heyli Coel Osment sərxoşluq, ictimai narahatlıq yaratmaq və narkotik maddə saxlamaq ittihamları ilə saxlanılıb.

Milli.Az xarici mediaya istinadla xəbər verir ki, hadisə Kaliforniyada yerləşən Mammoth Mountain xizək kurortunda baş verib. Hüquq-mühafizə orqanları "People" jurnalına verdikləri açıqlamada Osmentin üzərində tapılan maddənin kokain olduğunun güman edildiyini, lakin maddənin laboratoriyaya göndərildiyini və test nəticələrinin hələ açıqlanmadığını bildiriblər.

Mono qraflığının şerif ofisi aktyora qarşı rəsmi ittihamın irəli sürülüb-sürülməyəcəyinə dair hələlik açıqlama verməyib.

Qeyd edək ki, Osment "Pay It Forward", "A.I. Süni İntellekt" və "İkinci Əl Aslanlar" kimi bir çox filmlərdə çıxış edib. Eyni zamanda səs aktyoru kimi də tanınır - xüsusilə "Kingdom Hearts" video oyun seriyasında Sora və Vanitas obrazlarını səsləndirib.

Fidan
Milli.Az