Şou-biznes

"Geyimini bilməyənlər efirə çıxmasınlar"

16 Aprel 2025 09:14
Baxış: 1 433
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI

"Onlar öyrənən deyil, canlarındakı budur. Biz gənclik dövrümüzdə müəyyən qaydaları öyrənib gəlmişik. Səhnədə necə hərəkət edə, nələri deyə bilərik. İndiki gəncliyə sərbəstlik yox, özbaşınalıq verilib".

Milli.Az xəbər verir ki, bu sözləri Əməkdar artist Gülüstan Əliyeva "İncə səhər" verilişində deyib.

O, efirə qısa, açıq-saçıq geyimdə çıxan müğənniləri və buna şərait yaradanları tənqid edib:

"Zamanın dəyişməsi o demək deyil ki, səhnədə nə istəsən edə bilərsən. O gün bir gənc müğənnini instaqramda gördüm, onun yerinə utandım. Elə bildim oradayam və özümü pis hiss etdim. O cür də efirə çıxıb. Bunu rejissor, prodüser görmür ki, necə efirə çıxır? Dünyanın heç bir yerində belə bir şey yoxdur. Harada biədəb şey var, bizim millət onu tez götürür. Düzdür, konsertlərdə, tədbirlərdə açıq geyinmək olar. Xüsusilə də estrada ifaçıları. Amma efir etalondur. Buna yol vermək olmaz. Dünən səhnəyə çıxmısınız, bu, özgüvən deyil, tərbiyəsizlikdir. Oyna, rəqs et, bunun üçün qısa geyinməli deyilsən, sizə gənc nəsil baxır. Buna imkan verməyin. Bunu efirdə təbliğ etməyin. Bunu demədən etmək lazımdır. Elə ab-hava yaratmaq lazımdır ki, o özünü yığışdırsın. Efir mədəniyyəti yoxdur.

Aygün Kazımova verilişinizə gəlmişdi, izlədim. Görün necə geyinmişdi. O, açıq geyinə bilməzdi? Aygün xanım açıq geyinməyin tarixini yazan müğənnidir. Amma hər yerin öz geyimi var. Geyimini bilməyənlər gedib mağarın arxasında oynasınlar, efirə çıxmasınlar"./axşam.az 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.