Şou-biznes

76 yaşlı aktyor qocalar evində vəfat etdi

14 Mart 2025 21:29
Baxış: 1 041
VTB-də minimal faiz dərəcəsi ilə nağd kredit 9.9%-dən
#AKTYOR

76 yaşlı dublyaj aktyoru, rejissor və senari müəllifi Dave Mallow vəfat edib.

Mallow Orta Qərb və Nyu-York şəhərində 12 il radio sahəsində çalışıb, daha sonra isə səsləndirmə aktyorluğu karyerasını davam etdirmək üçün Los-Ancelesə köçüb.

O, "Mighty Morphin Power Rangers" serialında Baboo obrazına səs verən ən məşhur aktyorlardan biri olub və 1993-1999-cu illər arasında 138 seriyada yer alıb.

Daha sonra o, Power Rangers in Space, Power Rangers Zeo və Power Rangers Time Force kimi eyni franşizaya aid digər seriallarda da çalışıb.

Mallow 90-cı illərdə məşhur "The Return of Dogtanian" cizgi filmində Dogtanian obrazını səsləndirib. Bu, 1980-ci illərin İspaniya-Yaponiya istehsalı olan "Dogtanian and the Three Muskehounds" animasiyasının davamı idi.

O, həmçinin Digimon: Digital Monsters, Naruto, Yu-Gi-Oh! və müxtəlif Yapon animasiya filmlərində səs aktyoru kimi çalışıb.

Dave Mallow Call of Duty, Battleship, Resident Evil, Street Fighter və Final Fantasy kimi məşhur video oyunlarda da səsləndirmə işi görüb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.