Şou-biznes

“Yazırlar ki, kökəlmisən, ÇİRKİNSƏN”

4 Fevral 2025 06:06

Baxış: 749

#ŞOU-BİZNES #MARAQLI #MƏŞHURLAR #ŞOU

Şairə və qiraətçi Nazilə Səfərli ünvanına yazılan xoşagəlməz şərhlərə cavab verib.

Milli.Az xəbər verir ki, sənətçi bununla bağlı instaqram səhifəsində video-açıqlama yayımlayıb.

"Bir paylaşım edirəm altında nə qədər insan (xoşagəlməz sözlər yazıldığını nəzərdə tutur - red.)... Sizə necə izah edim? Biri yazıb ki, kökəlmisən, digəri yazıb ki, çirkinsən. Biri yazır ki, oran pis, buran yaxşıdır. Xülasə... İnsanlarda eyib axtarmaq nə adətdir? Sizə elə gəlmir ki, insanlarda eyib axtarmaq daxili kasıblığınızdan, daxilinizin nə qədər eyib içərisində olmasından xəbər verir. Kim necədir sizə nə? Sizinlə yaşamır, sizin ömür gün yoldaşınız, evinizin və ürəyinizin insanı deyil. Sizə nə kim necədir? İnsanın beyninə dəyər vermirsinizsə, onun görünüşü sizin nəyinizə lazımdır? Beyinə dəyər vermək üçün isə beyin lazımdır", - deyə Nazilə bildirib.

Qeyd edək ki, N. Səfərli hazırda Misirdə tətildədir. /Olay.az

Milli.Az