Şou-biznes

"Anam istəmir ki, onu çəksinlər sonra da küçədə tanısınlar" – VİDEO

4 Aprel 2024 11:07

Baxış: 1 979

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #MƏŞHURLAR #MÜĞƏNNİ #ŞOU #TV

"Valideynlərimlə yaşayıram. İki qardaşın bir bacısıyam. Qardaşlarım məndən böyükdürlər. Evimizə gəlib çəkiliş etmək istəyən bir çox verilişlər olub. Amma anam buna icazə verməyib. Deyir ki, evdə çəkiliş etmə. Elə düşünməyin ki, evimiz təmirsizdir. Sadəcə, anam istəmir ki, onu çəksinlər sonra da küçədə tanısınlar. Anam evdar xanımdır. Mən ona çox oxşayıram".

Milli.Az bizim.media-ya istinadən bildirir ki, bu sözləri müğənni Mina Hüseyn qonaq olduğu "Həmin Zaur" verilişində deyib.

Sənətçi bildirib ki, onun 8 yaşı olarkən valideynləri boşanıb və atası ilə münasibətlərini bərpa etmək niyyətində deyil:

"Atam anamdan ayrılıb. Mən uşaq olarkən onlar artıq boşanmışdılar. Səkkiz yaşıma kimi birlikdə yaşamışıq. Sonra isə ayrılıblar. Münasibətimiz yoxdur. O, ikinci dəfə ailə qurmayıb. İstəyərdim ki, atamla birlikdə olaq, amma şərtlər artıq o deyil. Qismət..."

Mina qardaşlarının evli olduğunu vurğulayıb:

"Qardaşlarımın harada işləməsi ilə bağlı məlumat vermək istəmirəm. Onlar haqqında ümumiyyətlə, danışmaq istəmirəm. Qardaşlarım evlidirlər. Qardaşlarım mənə də, anama da maddi cəhətdən kömək olurlar. Hər ikisi də mənim müğənni olmağıma razıdırlar. Bizim ailəmiz çox müasirdir".

Qeyd edək ki, M.Hüseyn S.Həsənovla 2022-ci ilin martında gizli şəkildə ailə qurub. Daha sonra sənətçi ərindən ayrıldığını və boşandığını açıqlamışdı. Onun sözlərinə görə, buna səbəb həyat yoldaşının onu aldadaraq özünü varlı şəxs kimi təqdim etməsi, eyni zamanda ona qoyduğu qadağalar olub.

Milli.Az

Xəbərlərimizi WhatsApp kanalımızdan da oxuyun