Rusiya

Rusiya televiziyasında nüvə hədəsi: “Hamısını öldürəcəyik”

16 Aprel 2025 16:55

Baxış: 2 590

VTB-də minimal faiz dərəcəsi ilə nağd kredit 9.9%-dən

#DÜNYADA #RUSİYA #III DÜNYA MÜHARİBƏSİ

Rusiyanın dövlət televiziyasında yayımlanan son veriliş beynəlxalq səviyyədə ciddi narahatlığa səbəb olub.

Milli.Az xəbər verir ki, verilişdə aparıcı Vladimir Solovyov Böyük Britaniyanı və baş nazir Keir Starmeri açıq şəkildə nüvə müharibəsi ilə hədələyib.

Britaniyanın "The Mirror" qəzetinin xəbərinə görə, Solovyov öz proqramında ABŞ və Böyük Britaniyanın Rusiyaya qarşı "birbaşa müharibə elan etdiyini" iddia edib. O, bu ölkələrin Ukraynaya verdiyi dəstəyə cavab olaraq nüvə silahı ilə təhdidlər səsləndirib.

"Onlar mütləq məhv ediləcəklər. Hamısını öldürəcəyik" - deyə, Solovyov bəyan edib. Onun bu sözləri Russian Media Monitor tərəfindən tərcümə olunaraq beynəlxalq ictimaiyyətə çatdırılıb.

Verilişdə Fransa, Almaniya və Baltikyanı ölkələr də hədəf göstərilib.

Rusiya mediasında yayımlanan bu tip təhdid xarakterli açıqlamalar beynəlxalq arenada III Dünya Müharibəsi ilə bağlı qorxuları bir daha gündəmə gətirib.

Fidan
Milli.Az