Rusiya

Peskov həyat yoldaşı ilə buz üzərində şou göstərdi - VİDEO

14 Aprel 2025 00:29
Baxış: 3 009
VTB-də minimal faiz dərəcəsi ilə nağd kredit 9.9%-dən
#VİDEO

Bu gün Olimpiya çempionu və tanınmış fiqurlu konkisürən Tatyana Navka 50 illik yubileyini qeyd edir.

Milli.Az xəbər verir ki, onun həyat yoldaşı, Rusiya prezidentinin mətbuat katibi Dmitri Peskov buz üzərinə əlində qırmızı qızılgüllərlə çıxaraq hər kəsi təəccübləndirib.

Peskov Tatyana Navkanın "Şoudan da böyük" adlı tamaşası zamanı sadəcə səhnəyə çıxmaqla kifayətlənməyib, o, həm də buz üzərində həyat yoldaşı ilə rəqs edib.

Şou məşhur fiqurlu konkisürənin 50 illik yubileyinə həsr olunub. Onların çıxışı "A oн мнe нpaвитcя" ("Onu bəyənirəm") adlı mahnının müşayiəti ilə baş tutub və tamaşaçılar tərəfindən gur alqışlarla qarşılanıb.

Qeyd edək ki, Tatyana Navka Dnepropetrovsk şəhərində doğulub. Fiqurlu konkisürməyə 5 yaşından başlayıb, 12 yaşından isə buz üzərində rəqslə məşğul olmağa başlayıb. Moskvaya köçdükdən sonra Natalya Dubovanın rəhbərliyi altında məşqlərə davam edib və Samvel Gezalryan ilə duet təşkil edərək 1991-ci ildə SSRİ yığmasına daxil olub.

1996-cı ildə məşqçi Aleksandr Julin ilə tanış olan Navka daha sonra Roman Kostomarov ilə tərəfdaş olub. Bu duet 2006-cı ildə Olimpiya Oyunlarında qələbə qazanıb və hər iki idmançı karyerasını bitirib.

Navkanın ilk həyat yoldaşı məhz məşqçisi Aleksandr Julin olub. O, Dmitri Peskovla 2010-cu ildə tanış olub və onların evliliyi artıq 10 ildən çoxdur davam edir. (Musavat.com)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.