Rusiya

Rusiya XİN Ermənistanı hədələdi

28 Sentyabr 2023 17:54
Baxış: 1 592
VTB-də minimal faiz dərəcəsi ilə nağd kredit 10.49%-dən

Beynəlxalq Cinayət Məhkəməsinin Roma statutunun Ermənistan tərəfindən ratifikasiyası Ermənistanla Rusiya arasında ikitərəfli münasibətlərdə ən mənfi nəticələrə səbəb olacaq.

Milli.Az Trend-ə istinadən bildirir ki, bu barədə Rusiyanın Xarici İşlər Nazirliyi açıqlama verib.

Nazirliyin məlumatına görə, İrəvan Moskvanın Roma statutu ilə bağlı cavab təklifini nəzərə almayıb.

"Beynəlxalq Cinayət Məhkəməsi Rusiyanın ali rəhbərinin həbsinə order verdiyi halda, bu strukturun Roma statutunun ratifikasiyasının qəbuledilməz olduğuna dair mövqeyimiz əvvəlcədən erməni tərəfdaşlarımızın diqqətinə çatdırılıb. İrəvanın ikitərəfli saziş imzalamaq barədə təşəbbüsü gözdən keçirildi, Moskva hər iki tərəf üçün uyğun ola biləcək kompromis variant təklif etdi. Lakin əfsuslar olsun ki, bu variant nəzərə alınmadı və Ermənistan Roma statutunu ratifikasiya etmək qərarı qəbul etdi. Bu ikitərəfli münasibətlər üçün ən mənfi nəticələrə səbəb olacaq", - Rusiya XİN-dən bildiriblər.

Xatırladaq ki, bir müddət əvvəl Ermənistanın Nazirlər Kabineti Beynəlxalq Cinayət Məhkəməsinin Roma statutunu ratifikasiya üçün parlamentə göndərib. Roma statutu Ermənistan parlamenti tərəfindən ratifikasiya olunacağı təqdirdə Beynəlxalq Ədalət Məhkəməsinin qərarlarının icrası Ermənistan hökuməti üçün məcburi xarakter daşıyacaq.

Qeyd edək ki, Haaqa tribunalı Rusiya prezidenti Vladimir Putinin həbsinə dair qərar çıxarıb. Roma statutu ratifikasiya olunarsa Putin Ermənistan ərazisinə səfər edə bilməyəcək.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.