Türkiyə

Türkiyədə 126 nəfər toyuqdan zəhərləndi - FOTO

8 May 2025 23:24

Baxış: 993

VTB-də minimal faiz dərəcəsi ilə nağd kredit 9.9%-dən

#TÜRKİYƏ #ZƏHƏRLƏNMƏ

Samsun Organize Sənaye Bölgəsində 7 müxtəlif fabrikdə çalışan 126 işçi yemək şirkətinin göndərdiyi toyuq yeməyindən zəhərlənib. Xəstəxanaya aparılan işçilərin vəziyyətlərinin yaxşı olduğu bildirilib.

Milli.Az Türkiyə mətbuatına istinadən xəbər verir ki, yemək şirkəti tərəfindən hazırlanan toyuq yeməyi 7 fabrikdə çalışan işçilərə paylanılıb. Yeməyi yedikdən qısa müddət sonra qusma, qızdırma, ürəkbulanma və başgicəllənməsi kimi şikayətlər yaşayan 126 nəfər xəstəxanaya müraciət edib.

Zəhərlənmə şübhəsi ilə müalicə olunan işçilərin ümumi sağlamlıq vəziyyətlərinin yaxşı olduğu qeyd edilib. Hadisə ilə bağlı araşdırma başladılıb.

Lalə Qüdrətova
Milli.Az