Rusiya

Putinin Moldova planı: 50 minlik qoşunla tam işğal...

31 Mart 2023 14:47
Baxış: 2 115
VTB-də minimal faiz dərəcəsi ilə nağd kredit 9.9%-dən
#MOLDOVA #RUSİYA-UKRAYNA MÜHARİBƏSİ

Rusiya Moldova ərazisində 50 min nəfərlik hərbi dəstə yaratmağa qadirdir və bu, ümumi sərhəd ərazisində Ukrayna cəbhəsini kabusa çevirəcək.

Milli.Az Axar.az-a istinadən xəbər verir ki, bunu ukraynalı hərbi ekspert Aleksandr Kovalenko bildirib.

O, Rusiyanın Moldovanı zorla ələ keçirməsi ssenarisinin kifayət qədər real olduğunu söyləyib:

"82-ci və 113-cü motoatıcı briqadaların tərkibində Dnestryanıdakı Rusiya kontingentinin 1700 nəfərlik potensialını, eləcə də Dnestryanıdakı təxminən 7,5 min nəfərlik qanunsuz silahlı birləşmələri nəzərə alan Putin qısa müddətdə bunun öhdəsindən gələ bilər. Xüsusilə, qruplaşma Merkulesti aerodromunu ələ keçirə, sonra Baltiyə gedə və Falesti ələ keçirərək ölkənin şimalını bağlaya bilər. Bununla M14 və M2 əsas magistrallarını kəsəcək və Kişinyova girişlər bloklanacaq.

O zaman cənub və şimal qrupları nisbətən tez əsas qrupun Kişinyova çatmasını təmin edəcək ki, bu da müqavimət göstərmək şansını mümkünsüz edəcək, çünki Moldovanın paytaxtı artıq rus agentləri ilə dolub".

Ekspertin fikrincə, Rusiyanın Moldovada hakimiyyəti qurulduqdan sonra ora yeni rus "turistləri" fəal şəkildə gəlməyə başlayacaq ki, bu da sonda 20-30 min nəfərlik hərbi qruplaşma yaratmağa imkan verəcək. 3-4 ay ərzində isə 50 minə qədər qüvvə toplanacaq. Bundan əlavə, Putin Ukraynaya qarşı ikinci cəbhənin yaradılması çərçivəsində bu dəstələri cənub-qərbə ata bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.