Din

Din dərslərinin keçirilməsi müsbət addımdır? - İlahiyyatçı izah edir

13 İyul 2019 18:24

33 Şərh Baxış: 1 797

#CƏMİYYƏT #DİN

İslamın əsl mahiyyətini gələcək nəslə çatdırmaqla bu din adı altında müsəlman ölkələrində törədilən fəsadların qarşısını ala bilərik.

Bunu Dini Qurumlarla İş üzrə Dövlət Komitəsinin sədri Mübariz Qurbanlı "İslam sivilizasiyası Qafqazda" II Beynəlxalq Simpoziumunda deyib.

Milli.Az bildirir ki, ilahiyyatçı Hacı Şahin Həsənlinin Sputnik Azərbaycan-a dediyinə görə, din dərslərinin keçirilməsi çox müsbət addımdır:

"Burada söhbət dinin təbliğindən getmir və təhsilin dünyəviliyi ilə ziddiyyət təşkil etmir. Din vasitəsilə insanların düşüncələrinin manipulyasiya və siyasi məqsədlər üçün istifadə edildiyi bir zamanda dinlər haqqında ümumi məlumatların verilməsi çox ciddi əhəmiyyətə malikdir. Məsələnin psixoloji tərəfi odur ki, artıq tələbələr və şagirdlər din haqqında məlumatları ziyalıların dilindən eşidəcəklər. Bunun da özünəməxsus müsbət psixoloji təsiri var".

Milli.Az