Siyasət

Elnur Aslanov: "Xocalı soyqırımı əvvəlcədən planlaşdırılan qətliamdır"

23 Fevral 2012 16:46
Baxış: 1 036
#AZERBAİJAN #RWANDA
"Xocalı soyqırımı Srebrenitsa və Ruanda faciələrindən əvvəl yaşanmışdır. Bu akt Ermənistan tərəfindən öncədən hazırlanmış məqsədli qətliamdır və bir daha təkrarlanmasın". AzərTAc xəbər verir ki, bu sözləri Türkiyənin "Zaman" qəzetinə Azərbaycan Prezidenti Administrasiyasının siyasi təhlil və informasiya təminatı şöbəsinin müdiri Elnur Aslanov deyib.

Elnur Aslanov faşistlərin İkinci Dünya müharibəsində mülki əhaliyə qarşı istifadə etdikləri psixoloji metodu ermənilərin Azərbaycan xalqı üzərində həyata keçirdiyini deyib.

E.Aslanov Ermənistan prezidenti S.Sarkisyanın ingilis tədqiqatçısı Tomas De Waala verdiyi müsahibədə dediyi - "biz ermənilərin mülki əhalini məhv etməyə qadir olmaması haqqında stereotipi qırdıq" sözlərini də buna sübut kimi diqqətə çatdırıb.

O, fevralın 26-da Türkiyədə yaşayan azərbaycanlıların və bu soyqırımı dünyaya çatdırmaq istəyən türklərin Taksim meydanında böyük bir aksiya keçirəcəyini də xatırladıb: "Burada ən böyük məqsəd insanlığa qarşı yaşanan bu cinayəti bütün dünyaya xatırlatmaqdır. Biz istəyirik ki, Xocalı, Srebrenitsa və Ruanda faciələri bir daha yaşanmasın".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.