Siyasət

Xankəndindəki ermənilər Azərbaycandan vətəndaşlıq istəyir - Kim mane olur?

11 Oktyabr 2021 11:35

0 Şərh Baxış: 2 432

"İlham Əliyev-Paşinyan görüşü həqiqətən də üçtərəfli sülh sazişinin möhkəmləndirilməsi ilə bağlı müxtəlif proseslərin sürətləndirilməsində mühüm rol oynaya bilər".

Bunu Milli.Az-a açıqlamasında amerikalı analitik İrina Tsukerman deyib.

Amerikalı analitik bildirib ki, revanşist fikirlərə görə ən çox Qarabağ klanı məsuliyyət daşıyır:

"Görünür, Paşinyan erməni cəmiyyəti üçün maraq doğuran məqamı siyasi şantaj üçün istifadə etmək istəyir. Yalnız bu amil 10 noyabr üçtərəfli bəyanatın icrası prosesinin inkişafına mane ola bilər. Həm də bu məsələdə keçmiş "Qarabağ klanı"nın da əli var, görünür rəsmi İrəvan klandan hələ də çəkinir. Çox yaxşı olar ki, Paşinyan hökuməti öz istəyi ilə rus sülhməramlı kontingentinin müvəqqəti nəzarətindəki ərazilərdə yaşayan ermənilərə Azərbaycan vətəndaşlığının alınması prosesinə kömək etməkdə maraqlı ola.

Ermənilər arasında revanşist fikirlərə görə ən çox Qarabağ klanı məsuliyyət daşıyır. Müharibə zamanı sözün həqiqi mənasında Azərbaycana məxsus ərazini tərk etməməyə, hətta erməni əhalisini Azərbaycan mülkiyyətinin talan və məhv edilməsinə də məhz "klan" üzvləri məcbur etdilər. Buna görə də İrəvan siyasi rıçaqları saxlamaq üçün kommunikasiyaların açılmasında, regionun inteqrasiyasında maneə yaratsa və qismən də kontingentin müvəqqəti nəzarətindəki ərazilərdə yaşayan ermənilərin Azərbaycan vətəndaşlığı qəbul etmək istəkləri ətrafında manipulyasiyalar etməkdə davam etsə təəccüblü olmaz".

Təhməz Əsədov
Milli.Az