Siyasət

Qərbdə Ermənistanın minalanmış ərazilərin xəritələrini verməkdən imtina etməsi ilə bağlı məsələ qaldırılmalıdır - ukraynalı ekspert

11 Aprel 2021 23:50
Baxış: 970

Digər ölkələr Ermənistanın Azərbaycana minalanmış ərazi xəritələrini verməkdən imtina etməsi məsələsini Qərbdə qaldırmalıdır.

Milli.Az Trend-ə istinadən xəbər verir ki, bu barədə Ukrayna "Kiyev-Mogilyov Akademiyası" Milli Universitetinin professoru Taras Kuzio bildirib.

O vurğulayıb ki, indi minaların partlamasından ölən insanlar hərbi deyil, mülki insanlardır və bunların üçdə biri uşaqlardır.

Professor ermənilərin iki dəfə mina qoyduğunu qeyd edib: ilk dəfə bunu işğal dövründə, ikinci dəfə isə azad edilmiş torpaqları tərk edən zaman: "Onlar qəsdən məcburi köçkünlərin geri qayıda bilməmələri üçün şərait yaratmaq istəyirdilər".

"Onlar bunu məğlubiyyətə görə qəzəbdən ediblər" - dəyə professor əlavə edib.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.