Siyasət

"Ermənistanın atacağı müsbət addıma Azərbaycanla əlaqəli şəkildə müsbət cavab verəcəyik" - Çavuşoğlu

23 Fevral 2021 16:22
Baxış: 691

Cənubi Qafqazda sülh və bölgənin inkişafı üçün fürsət yaranıb, bizim çağırışlarımız da hər zaman bu yöndədir.

Milli.Az Trend-ə istinadən bildirir ki, bunu Türkiyənin Xarici işlər naziri Mövlud Çavuşoğlu Ankarada türkmənistanlı həmkarı Rəşid Meredovla mətbuat konfransı zamanı deyib.

Onun sözlərinə görə, Ermənistan da bu istiqamətdə hərəkət etsə, bölgənin sabitliyi və iqtisadi inkişafından ən çox onlar faydalanacaq.

"Ermənistanın atacağı müsbət addıma Azərbaycanla əlaqəli şəkildə müsbət cavab verəcəyik. 30 ilə yaxın işğal altında qalan Azərbaycan torpaqlarında hər şey dağıdılıb, ermənilər əraziləri tərk edərkən də dağıntılar törətdilər. Qarabağda, xüsusilə Ağdam və digər 7 rayonun, tarixi, dini, mədəni abidələrin bərpası üçün Azərbaycan hökumətinin əhatəli infrastruktur çalışmaları var. Biz türk dünyası olaraq Azərabycanın yanında olduğumuz kimi bu bölgənin inkişafında da Azərbaycana əlimizdən gələn dəstəyi verəcəyik".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.