Siyasət

Avstraliya saytları Ermənistanın Gəncəyə son raket hücumu barədə məlumatlar yaydı - FOTO

17 Oktyabr 2020 18:03
Baxış: 426

Avstraliya saytları Ermənistanın raket hücumu nəticəsində Gəncə şəhərində ölənlər və yaralananlar barədə məlumat yayıb.

Milli.Az Trend-ə istinadən bildirir ki, Avstraliyanın newcastleherald.com.au, au.news.yahoo.com, westernadvocate.com.au, illawarramercury.com.au və digər saytlarında yayılan məlumatlarda Ermənistanın Gəncə şəhərinə raket hücumu nəticəsində 13 mülki vətəndaşın həlak olduğu və 40-dan çoxunun yaralandığı bildirilir. Qeyd edilir ki, sentyabrın 27-dən Ermənistanın törətdiyi təxribatlardan sonra başlanan döyüş əməliyyatlarında oktyabrın 10-da Rusiyanın vasitəçiliyi ilə humanitar atəşkəs rejimi elan edilsə də, qarşılıqlı hücumlar davam edir.

Ermənistanın Azərbaycanın Mingəçevir şəhərinə də raketlər atdığı, lakin onların Azərbaycan hava hücumundan müdafiə sistemləri tərəfindən sıradan çıxarıldığı bildirilir. Qeyd edilir ki, Ermənistanın bu hücumları oktyabrın 10-da əldə edilmiş humanitar atəşkəs barədə razılaşmanın pozulmasına səbəb olub.

Avstraliya saytları Ermənistan-Azərbaycan Dağlıq Qarabağ münaqişəsinin tarixi barədə də məlumat veriblər.

Milli.Az

Məqaləyə dair fotomateriallar:

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.