Siyasət

Ankaranın simvolu olan “Atakule”də Azərbaycan bayrağı dalğalanıb - FOTO

14 Aprel 2020 07:27
0 Şərh     Baxış: 1 524

Türkiyənin paytaxtı Ankarada yerləşən məşhur Atakule qülləsi Azərbaycan Respublikasının bayrağı ilə işıqlandırılıb. İşıqlandırma prosesində Azərbaycan və Türkiyə bayraqları birgə hərəkətdə olublar.

Milli.Az AZƏRTAC-a istinadən bildirir ki, qüllənin zirvəsində ümummilli lider Heydər Əliyevin "bir millət, iki dövlət!" ifadəsi, onun ardınca isə "Can Azərbaycana sevgilərlə" şüarı üç rəngli bayrağımızın rəngləri fonunda hərəkətdədir.

İşıqlandırma yerli televiziyalar tərəfindən canlı nümayiş olunub. Televiziya kanallarının bu barədə yaydığı xüsusi reportajda tamaşaçıların diqqətinə çatdırılıb ki, koronavirus pandemiyasına qarşı mübarizədə Azərbaycanın dəstəyini nümayiş etdirmək məqsədilə aprelin 11-də Heydər Əliyev Mərkəzinin binası üzərinə Türkiyə Respublikasının bayrağının bu ölkənin musiqisinin müşayiəti ilə videoproyeksiya olunmasının ardından Atakule qülləsinin üç rəngli Azərbaycan bayrağının rənglərinə boyanması iki dövlətin əbədi qardaşlığının tərənnümdür.

Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.