Siyasət

Mariya Zaxarovanın Qarabağ haqda dedikləri necə təhrif olundu? - YENİLƏNİB - VİDEO

15 İyun 2017 13:44
0 Şərh     Baxış: 2 088

13:44

Milli.Az Virtualaz.org -a istinadən xəbər verir ki, Rusiya XİN-in rəsmi saytı Mariya Zaxarovanın bu günkü brifinqinin video-stenoqramını yerləşdirib və oradan məlum olur ki, XİN rəsmisi "Dağlıq Qarabağ xalqı" deyil, "bilavasitə Dağlıq Qarabağda yaşayan insanlar" ifadəsini işlədib.

Başqa sözlə, indiki halda Rusiya XİN-in rəsmi nümayəndəsinin sözləri təhrif edilib.

---------

13:02

"Rusiya əlindən gələn hər şeyi edir ki, Qarabağ münaqişəsinin həlli tapılsın-nə qədər tez olsa o qədər yaxşıdır. Lakin münaqişə tərəflərinin heç birinə, o cümlədən Dağlıq Qarabağ xalqına ziyan vurmadan".

Milli.Az Virtualaz.org -a istinadən xəbər verir ki, belə bəyanatla Rusiya XİN-in qalmaqallı mətbuat katibi Mariya Zaxarova bu gün keçirdiyi brifinqdə çıxış edib.

Sözügedən sayt qeyd edir ki, əgər Mariya Zaxarova doğrudan da "Dağlıq Qarabağ xalqı" ifadəsini işlədibsə bu yolverilməzdir və düzgün deyil. Çünki həmin regionda yaşayan insanlardan söz gedirsə, onların barəsində "Dağlıq Qarabağ sakinləri" ifadəsi işlədilməlidir.

"Mən hesab edirəm ki, hər tərəfin-Azərbaycan və Ermənistanın, onların rəsmi nümayəndələrinin, dövlət xadimlərinin Dağlıq Qarabağ münaqişəsinin həlli ilə bağlı öz baxışları var. Bu münaqişənin həlli üçün müəyyən olunmuş format mövcuddur, doğrudan da köhnə problemdir və kompromislərin axtarışını nəzərdə tutur. Kompromislərin axtarışı isə bu gün tərəflərin mövqeləri arasında fərqlərin nə qədər böyük olmasına baxmayaraq mövqelərin yaxınlaşması deməkdir", - Zaxarova şərhini davam etdirib.

Rusiya XİN rəsmisi əlavə edib ki, bu, beynəlxalq praktikadır, diplomatik işin praktikası budur ki, həlli mümkün görünməyən məsələlərin də həllini axtarıb tapasan. "Biz bu qiymətləndirmə ilə razıyıq ki, situasiya həll və irəliləyiş tələb edir, məhz buna görə də son vaxtla müxtəlif formatlarda təmaslar intensivləşib", - Zaxarova əlavə edib.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.