Siyasət

Qubad İbadoğluna və tərəfdarlarına xəbərdarlıq olundu

3 Fevral 2015 23:25
0 Şərh     Baxış: 1 960
#SİYASƏT #SATURN CORPORATİON

Bu gün Müsavat Partiyası Mərkəzi Nəzarət-Təftiş Komissiyasının (MNTK) növbəti toplantısı keçirilib.

Milli.Az APA-ya istinadən bildirir ki, toplantıda bir neçə partiya üzvünün "Müsavat Üzvlərinin Hüquqlarını Müdafiə Komitəsi" yaratmaları da müzakirə olunub.

MNTK bunu partiyanın qurultayında seçilmiş legitim orqanlarının, o cümlədən MNTK-nın fəaliyyətini şübhə altına almaq, ona alternative olmaq cəhdi kimi qiymətləndirib: "Partiyadaxili şikayətlə bağlı prosedur hüququndan nümayişkaranə şəkildə imtina edərək, əvəzində partiya strukturlarına qarşı qondarma qurum yaratmaq partiyanın MNTK-nın səlahiyyətlərini mənimsəmək və açıq-aydın bölücülük cəhdidir. MNTK özünü üzvü olduğu partiyaya qarşı qoyan, belə hərəkətləri ilə təşkilatın nüfuzuna zərbə vurmaq məqsədi güdən şəxslər xəbərdarlıq edir ki, bu cür hərəkətlər Müsavat Partiyasının Nizamnaməsinin kobud şəkildə pozulması cəhdidir".

MNTK belə hərəkətlərə yol verən şəxsləri partiya Nizamnaməsinə zidd fəaliyyətlərinə son qoymağı tələb edib.

Qeyd edək ki, Müsavat başqanlığına sabiq namizəd Qubad İbadoğlu və tərəfdarları partiyadakı vəziyyətlə əlaqədar Müsavatçıların Hüquqlarını Müdafiə Komitəsi təsis ediblər. Komitə partiyanın sonuncu qurultayından sonra bəzi fəal üzvlərin Müsavatdan kənarlaşdırılmasının qarşısını almaq məqsədilə yaradılıb. Bununla əlaqədar Müsavat üzvlərinə və partiya rəhbərliyinə müraciət ünvanlanıb.
 

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.