Siyasət

Dünyaca məşhur şirkətdən Azərbaycan qarşı TƏRBİYƏSİZLİK - YENİLƏNİB - FOTO

29 Oktyabr 2014 18:34

0 Şərh Baxış: 4 900

#POPULYAR XƏBƏRLƏR #AZERBAİJAN #DAĞLIQ QARABAĞ #MASTERCARD INC

"Azərbaycanın ABŞ-dakı səfirliyi "MasterCard" beynəlxalq ödəniş sisteminin öz rəsmi saytında Azərbaycanın işğal altında olan Dağlıq Qarabağ ərazisini Ermənistanın tərkib hissəsi kimi göstərməsi ilə bağlı məsələni araşdıracaq"

18:34

Bunu APA-ya açıqlamasında Azərbaycan Xarici İşlər Nazirliyinin mətbuat xidmətinin rəhbəri vəzifəsini icra edən Hikmət Hacıyev deyib. H.Hacıyev bildirib ki, Azərbaycanın ABŞ-dakı səfirliyinə təlimat verilib ki, məsələ araşdırılaraq bu istiqamətdə lazımi tədbirlər görülsün.

Qeyd edək ki, "MasterCard"ın saytındakı "Ermənistan" bölməsində "ATM Locator" (ATM-lərin yerləşməsi) üzrə axtarış verərkən Ermənistan şəhərləri arasında "Stepanakert" (Xankəndi), "Shushi" (Şuşa) və s. şəhər adlarına rast gəlmək olar. Qeyd olunan ərazilərdə "MasterCard"ın xidmətlərindən istifadə etmək mümkündür.

----------
17:00

"MasterCard" beynəlxalq ödəniş sistemi saytında Azərbaycanın işğal altına olan rayonlarını Ermənistan ərazisi kimi təqdim edib

"MasterCard" beynəlxalq ödəniş sistemi öz rəsmi saytında Azərbaycanın işğal altında olan Dağlıq Qarabağ ərazisini Ermənistanın tərkib hissəsi kimi göstərib.

APA xəbər verir ki, "MasterCard"ın saytında "Ermənistan" bölməsində "ATM Locator" (ATM-lərin yerləşməsi) üzrə axtarış verərkən şəhərlər arasında "Stepanakert" (Xankəndi), "Shushi" (Şuşa) və s. rast gəlmək olar.

Qeyd olunan ərazilərdə "MasterCard"ın xidmətlərindən istifadə etmək mümkündür.

Milli.Az

Böyütmək üçün şəkillərə klikləyin.