Siyasət

İran Azərbaycana qarşı “klassik planı” yenidən işə salır

19 İyun 2022 19:26
1 Şərh     Baxış: 923

Cənubdan Azərbaycana doğru "soyuq küləklər" yenidən əsməyə başlayıb:

- Bir qrup qadın Azərbaycanda İslam müqəddəslərinin təhqir edildiyi iddiası ilə yürüş keçirib;

- İranlı tələbələr Tehranda Azərbaycan səfirliyinin önündə Bağırzadəyə dəstək aksiyası düzənləyib;

Hər iki hadisənin İran tərəfindən idarə olunduğu aydın görünür, xüsusilə, İran Milli Televiziyasına - İRİB-ə bağlı "Parstoday" tərəfindən tirajlanması fonunda.

Milli.Az publika.az-a istinadən xəbər verir ki, Tehranda səfirliyimizin önündə keçirilən aksiyada diqqətçəkən məqamlardan biri də rəsmi Bakıya "tövsiyə"lərin verilməsidir: ABŞ və İsrail bayrağını yandıran iranlı tələbələr tələb edirlər ki, Azərbaycan İsrail dövləti ilə münasibətləri yenidən nəzərdən keçirsin;

İran bu aksiya ilə Bakıya qarşı "klassik planı"nı yenidən işə salır: Azərbaycanın anti-İslam imicini formalaşdırmaq, inanclı kəsimi siyasi məqsədləri ətrafında cəmləşdirmək;

Bakı-İrəvan xəttində sülh danışıqlarının müzakirə edildiyi və Azərbaycan-Ermənistan sərhədinin delimitasiyası istiqamətində ilk praktiki addımın (komissiyanın yaradılması və sərhəddə görüşün keçirilməsi) atılması fonunda "Ermənistan sərhədini "qırmızı xətti" elan edən İranın hücuma keçməsi təsadüfi deyil. Bakıya qarşı din adı ilə müəyyən fəaliyyətlərin və təbliğatın genişlənəcəyi istisna deyil.

Təhlükəli prosesdir, çünki İran Azərbaycanda "şəriət rejimi" qurmaq planlarını prioritet olaraq saxlayır və buna fürsətin yaranmasını gözləyir.

Milli.Az

 

Şərh yaz:

1 Şərh:

  • Anonim
    asi · 19 İyun 20:1110

    İran Azərbaycanın İsraillə münasibətlərini yenidən nəzərdən keçirməsini tələb etməklə nə istəyir??..İsraillə müharibə olarsa, İranın Azərbaycan ərazisindən vurulmasına icazə verilməsini istəyir??..

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics