Kulinariya

Mətbəx sirləri: Sürhüllü

31 Yanvar 2015 07:00
4 Şərh     Baxış: 14 528
VTB-də minimal faiz dərəcəsi ilə nağd kredit 9.9%-dən
#KULİNARİYA
Milli.Az Kəpəz TV-yə istinadən sürhüllünün hazırlanma qaydasını təqdim edir.

Tərkibi (6 pay): 

xəmir:

un
su
duz

sous: 

1 kq quzu əti (və ya qaxac edilmiş quzu əti)
3 st. su
duz
istiot və ya sarımsaq
palçıq turşusu

Əvvəlcə un, su və duzdan çox bərk olmayan xəmir yoğurun. Xəmir 5-10 dəqiqə mayalandıqdan sonra, uzununa şəridlər kəsin. Bu şəridləri barmaqlarınızın ucu ilə yumrulayın. Sonra xırda kvadrat formada kəsin. Ayırdığınız xırda hissələri bir-bir şəhadət barmağınızı basmaqla çəkin. Çəkilmiş xəmiri əlinizlə bir qədər dartıb uzadın ki, qalın olmasın. Yapışmaması üçün unlayıb ayrı-ayrı yığın.

Qazanda su qaynadıb, duz əlavə edin. Çəkdiyiniz sürhüllüləri qaynayan suya əlavə edirik. Sürhüllülər bişəndən sonra sudan çıxarıb qablara yığın.

Xəmir mayalanan müddətdə başqa bir qazana quru ət qoyub 3 st. su əlavə edin. Tam bişdikdən sonra ocaqdan götürün. Hazır şorbadan bolluca sürhüllülərin üzərinə gəzdirin, üstündən ət qoyun. Süfrəyə turşu və sarımsaqla verə bilərsiniz.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.