Kulinariya

Mətbəx sirləri: Tatar şorbası

22 İyul 2014 07:00
14 Şərh     Baxış: 2 844
VTB-də minimal faiz dərəcəsi ilə nağd kredit 9.9%-dən
#KULİNARİYA
Milli.Az "Sofra" dərgisinə istinadən tatar şorbasının hazırlanma qaydasını təqdim edir

Tərkibi (4 pay):

4 x.q. marqarin
1 x.q. tomat pastası
2 x.q. un
1 x.q. nanə qurusu
2 x.q. qatıq
8 su st. toyuq bulyonu
duz
qara istiot

mantı:

1 su st. un
1 yumurta
aldığı qədər su
100 q quzu qiyməsi
1,5 x.q. sürtgəcdən keçirilmiş soğan
3-4 budaq xırda doğranmış cəfəri
duz
qara istiot

Mantı üçün: bir qaba un qoyub üzərinə yumurta və duz əlavə edin, az-az su əlavə edib bir qədər bərk xəmir yoğurun. Üzərinə nəm dəsmal çəkib bir müddət saxlayın.

Bir qabda qiymə, sürtgəcdən keçirilmiş soğan, xırda doğranmış cəfəri, duz və qara istiotu qarışdırın.

Xəmiri yayın. Qiymədən bərabər məsafədə ara qoymaqla üzərinə düzün. Digər yuxanı üzərinə örtüb xırda kvadratlar kəsin.

Mantıları duzlu suda bişirin.

Marqarini tavada əridin, üzərinə unu əlavə edin, rəngi dəyişənədək qovurun, tomat pastasını əlavə edib qarışdırın, bulyon tökün. Nanə, duz, istiot vurub qaynadın.

Qatığı su ilə çalın, qazana əlavə edin. Ən sonda mantıları əlavə edib bir-iki buğum qaynadıqdan sonra ocaqdan götürün.

Nuş olsun!

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.