İran

İran BƏƏ-yə qarşı əməliyyatı təkzib etdi

5 May 2026 23:08
Baxış: 347
VTB-də minimal faiz dərəcəsi ilə nağd kredit 9.9%-dən
#IRAN

İran ordusunun "Xatəmül-Ənbiya" qərargahı son günlər Birləşmiş Ərəb Əmirliklərinə qarşı hər hansı əməliyyatın həyata keçirilmədiyini açıqlayıb.

Milli.Az-ın məlumatına görə, bəyanatda o da qeyd olunub ki, İran İslam Respublikasının silahlı qüvvələri son günlər ərzində BƏƏ-yə qarşı heç bir raket və pilotsuz uçuş aparatı əməliyyatı həyata keçirməyib, belə bir addım atılsaydı, bu, qətiyyətlə və açıq şəkildə elan olunardı.

Bəyanatda həmin ölkənin Müdafiə Nazirliyinin yaydığı məlumatların təkzib edildiyi və heç bir həqiqəti əks etdirmədiyi qeyd olunur.

"BƏƏ hazırda ABŞ və İsrailin əsas bazalarından birinə çevrilib və mövcud şəraitdə İrana qarşı əsassız ittihamlar və informasiya kampaniyası aparır. İndiyədək bu kimi addımlara qarşı sərt reaksiya verilməməsi yalnız həmin ölkədə yaşayan müsəlmanların təhlükəsizliyi nəzərə alınaraq olub", - bəyanatda deyilir.

Bəyanatda həmçinin bildirilir ki, əgər BƏƏ ərazisindən İranın adalarına, limanlarına və sahillərinə qarşı hər hansı addım atılarsa, buna sərt və peşmanedici cavab veriləcək. (APA)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.