Maraqlı

ABŞ-da yüzlərlə insanı xilas edən azərbaycanlı mükafatlandırıldı

18 Sentyabr 2021 11:00

0 Şərh Baxış: 1 748

VTB-də minimal faiz dərəcəsi ilə nağd kredit 9.9%-dən

#MARAQLI

ABŞ-ın Kaliforniya ştatında yaşayan azərbaycanlı Fərrux Məmmədov Kempbell Şəhər Polis İdarəsi tərəfindən xüsusi mükafatla təltif olunub.

Milli.Az modern.az-a istinadən xəbər verir ki, ABŞ polisinin qəhrəman adlandırdığı azərbaycanlı haqqında yerli ABC7 telekanalı süjet hazırlayıb.

Sujetdə cinayətkarın hazırladığı terror planından və F.Məmmədovun həmin planı alt-üst edən qəhrəmanlığından bəhs olunur. Belə ki, F.Məmmədov iyulun 9-da gecə yarısı müşahidə kamerasında gördüyü terrorçu haqqında 911-ə zəng edərək ABŞ polisinə məlumat verib.

Hadisə yerinə gələn polis əməkdaşları avtomobilində müxtəlif markalı tüfənglər, tapança, əl qumbaraları, narkotik vasitələr gizlədərək kütləvi atəş planı hazırlayan təhlükəli cinayətkarı ələ keçirib. Fərrux Məmmədovun zəngi yüzlərlə insanın həyatını xilas edib.

Kempbell Şəhər Polis İdarəsi həmyerlimizə təşəkkür edib.

Milli.Az