Maraqlı

Dünyanın ən yaxşı yazıçıları və əsərləri - SİYAHI

12 Fevral 2012 09:00
0 Şərh     Baxış: 52 315
VTB-də yüksək depozit faizleri daha çox qazandırır
Reytinq Britaniya və ABŞ-da ən populyar 125 yazıçı arasında keçirilmiş sorğunun nəticəsidir.
Sorğuya qatılanlar arasında Norman Meyler, Stiven Kinq, Enn Patçett, Conatan Franzen, Coys Kerol Outs və s. vardı.

Milli.Az AFP-yə istinadən bildirir ki, sorğunun nəticələri əsasında XX əsrin ən yaxşı əsərlərinin ilk onluğu müəyyənləşib.

Sorğunun lideri Vladimir Nabokovun "Lolita" romanıdır. İlk onluqda sonrakı yerlərdə "Böyük Qetsbi" (Frensis Skott Ficerald), "İtirilmiş zaman axtarışında" (Marsel Prust), "Uliss" və "Dublinlilər" (Ceyms Coys), "Yüz ilin tənhalığı" (Qabriel Qarsia Markes), "Küy və qəzəb" (Uilyam Folkner), "Mayaka" (Virciniya Vulf), "Hekayələrin tam külliyatı" (Flanneri O'Konnor) və "Öləzimiş alov" (Vladimir Nabokov) var.

XIX əsrin ən yaxşı əsərlərinin ilk onluğu belədir: "Anna Karenina" (Lev Tolstoy), "Madam Bovari" (Qüstav Flober), "Hərb və Sülh" (Lev Tolstoy), "Heklberri Finnin macəraları" (Mark Tven), "Hekayələr" (Anton Çexov), "Midllmarç" (Corc Eliot), "Mobi Dik" (German Melvill), "Böyük Ümidlər" (Çarlz Dikkens), "Cinayət və cəza" (Fyodor Dostoyevski), "Emma" (Ceyn Ostin).

Bütün zamanların ən yaxşı yazıçıları reytinqinin lideri Lev Tolstoydur. İlk onluqda sonrakı yerlərdə Uilyam Şekspir, Ceyms Coys, Vladimir Nabokov, Fyodor Dostoyevski, Uilyam Folkner, Çarlz Dikkens, Anton Çexov, Qüstav Flober və Ceyn Ostinin adları var.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.