Maraqlı

Çinin texnoloji nəhənglərinin Türkiyəyə axını başlayıb

8 Aprel 2021 19:55
Baxış: 823
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Çinin texnoloji nəhəngləri bir-birinin ardınca Türkiyəyə axın edərək orada qurğuların buraxılışı üzrə müəssisələr açırlar. Növbəti belə addımı mayda Türkiyədə smartfon istehsalına başlamağı planlaşdıran "TCL" şirkəti atıb. Bu barədə "Milliyet" nəşri məlumat yayıb.

Milli.Az ted.az-a istinadən bildirir ki, "TCL Mobil" şirkətinin Türkiyə üzrə nümayəndəsi Sərxan Tunkanın sözlərinə görə, söhbət adı açıqlanmayan qlobal tərəfdaşla birgə smartfon istehsalından gedir. İlk ildə yarım milyona yaxın qurğunun buraxılışı nəzərdə tutulur. Gələcəkdə istehsal həcmi genişlənəcək ki, bu da qurğuların digər ölkələrə də ixracına imkan verəcək.

Martda "Xiaomi" şirkəti Türkiyədə "Redmi Note 9C" smartfonlarının buraxılışı üzrə zavod açıb. Çin istehsalçısının biznes tərəfdaşı qismində əsas yerli texnoloji brendlərdən olan "Salcomp" şirkəti çıxış edib.

Bununla yanaşı, "Huawei" şirkəti də Türkiyədə smartfon istehsalına başlamağı düşünür. 2002-ci ildən Türkiyədə fəaliyyət göstərən Çin şirkəti paytaxt Ankarada ilk ofisini açıb. Sonradan İstanbulda "Huawei" nümayəndəliyi fəaliyyətə başlayıb. Bundan əlavə, "Huawei" Tükiyədə iri elmi tədqiqatlar və işləmələr mərkəzinə malikdir. Məhz onun əsasında istehsal müəssisəsinin yaradılması planlaşdırılır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.