Maraqlı

Aydan nümunələr gətirəcək "Çanye-5" Yerin təbii peykinə uğurlu eniş edib - VİDEO - FOTO

2 Dekabr 2020 15:34
Baxış: 463

Çinin Aydan nümunələr gətirmək üçün orbitə çıxardığı "Çanye-5"in (Chang'e-5) kosmik aparatının enmə-qalxma modulu Yerin təbii peykinə yumşaq eniş edib.

Milli.Az AZƏRTAC-a istinadən bildirir ki, Ay orbitinə daxil olduqdan sonra "Çanye-5"in enmə-qalxma modulu kosmik aparatdan ayrılaraq, təxminən 15 dəqiqəyə Ayın səthinə yumşaq eniş edib. Bu, Ayın səthinə yumşaq eniş edən Çinin 3-cü moduludur. Modul Ayın səthinə enmə prosesinin videogörüntülərini idarəetmə mərkəzinə ötürüb. Modulun endiyi məkana bundan əvvəl Yerdən heç bir səfər olmayıb. Daha dəqiqi Çin modulunun eniş məkanı ABŞ və keçmiş SSRİ-nin Ay missiyalarının eniş yerlərindən fərqlidir.

Bildirilir ki, növbəti 2 sutka ərzində xüsusi robotun köməyi ilə Ay səthindən təxminən 2 kiloqram ağırlığında qaya və torpaq nümunələri götürüləcək. Yer və Ay arasında geometrik uyğunluq olanda kosmik aparatın geri dönən modulu Yerə qayıdacaq. Bildirilir ki, proses cədvələ uyğun davam edir.

Aydan gətirilən nümunələrin yaşının öyrənilməsi Günəş sisteminin tədqiqatına kömək edəcək.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.