Maraqlı

“Intel” çipli noutbuk nümayiş olunub

26 Noyabr 2020 23:30
Baxış: 1 057
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"Intel" şirkəti "NUC" (Next Unit of Computing) qurğular seriyasına "M15" noutbukunu əlavə edib.

Milli.Az ictnews.az-a istinadən bildirir ki, şirkətin planına görə, "etalon" noutbuk kiçik şirkətlərə bazarın "Dell" və "HP" kimi liderləri ilə uğurlu rəqabətə kömək edəcək. "NUC M15" ən müasir prosessorlar (inteqrasiya edilmiş Iris Xe qrafikalı 11-ci nəsil Core i5-1135G7 və ya i7-1165G7), 1080p piksel təsvir ölçülü "IPS" matrisalı 15,6 düym diaqonallı "adi" və ya sensor ekran, 8 və ya 16 giqabayt tutumlu operativ yaddaşla təchiz edilib. 73 vatlıq akkumulyator 16 saatadək avtonom işi təmin edəcək.

Noutbuk iki "Thunderbolt 4/USB 4 Type-C" (enerjinin toplanılması üçün hər ikisindən istifadə mümkündür) portuna, iki "USB-A", "HDMI" və qulaqcıq üçün 3,5 millimetrlik audioçıxışa malikdir. "Nümunəvi" noutbukda yaddaş kartları üçün "microSD" slotu nəzərdə tutulmayıb.

"NUC M15" noutbukunun xüsusiyyətləri arasında "Windows Alexa" proqramından istifadə zamanı işıq saçan işiq diodlu panel sadalanır. Onun veb-kamerası "Windows Hello" təhlükəsizlik funksiyası ilə uyğunluq təşkil etdiyindən sistemə sifətə görə daxil olan zaman istifadə oluna bilər. Bundan başqa, noutbuk səsli komandaya otağın o başından cavab verən dörd mikrofonla təchiz olunub.

Qurğunun qiyməti istehsalçı tərəfindən təyin ediləcək. Şirkətin proqnozuna görə, oxşar modellərin qiyməti 1000-1500 dollar olacaq. Yeni qurğuların nümayişi 2021-ci ilin əvvəlinə planlaşdırılır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.