Maraqlı

Veneranın atmosferində mikroorqanizmlərin mövcudluğuna işarə edən daha bir sübut aşkar edilib

22 Oktyabr 2020 22:20
Baxış: 651

Bir ay bundan öncə Venera planetinin atmosferinin tədqiqat nəticələri təqdim olunmuşdu. Həmin nəticələrdə qeyd olunmuşdu ki, sözügedən planetin atmosferində nadir fosfin qazı aşkar edilib. Bu isə planetdə canlı orqanizmlərin olduğuna işarə edir. Bir neçə müddət bundan öncə isə alimlər daha bir tədqiqat aparıblar. Aparılmış yeni tədqiqat çərçivəsində daha bir kimyəvi element aşkar edilib və o da Venera planetində canlı orqanizmlərin olduğuna işarə edir. Bu barədə 4pda saytı xəbər verib. Belə ki, alimlər spektroskopiya vasitəsilə Venera planetinin atmosferində aminosirkə turşusunu (qlisin) aşkar ediblər.

Bu sadə amino turşu Yer kürəsində yaranmış ilk orqanik molekullardan biri olub. Aminosirkə turşusu öz növbəsində zülalın və digər bioloji birləşmələrin ifrazına şərait yaradır. Alimlər qeyd ediblər ki, bu kəşf Venera planetinin atmosferində ilkin həyat formalarının mövcudluğuna işarə edir. Güman olunur ki, planetin atmosferindəki həyat şəraiti planetin səthində olan sərt mühitdən çox fərqlənir. Buna görə də planetin atmosferində mikroorqanizmlər ola bilərlər. Nəzəriyyəyə əsasən həmin mikroorqanizmlər hal hazırda Yer kürəsinin milyardlarla il öncə keçdiyi bioloji prosesdən keçirlər.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.