Maraqlı

iOS 14-də iPhone-nun çalışma müddəti test edilib - VİDEO

22 Sentyabr 2020 23:10
Baxış: 1 586
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Apple şirkəti iOS 14 əməliyyat sisteminin final versiyasını istifadəyə verdi. Yeni əməliyyat sistemini son bir neçə ildə satışa çıxmış iPhone modelləri ilə birlikdə iPhone 6s də əldə edib. Sözügedən əməliyyat sisteminin smartfona quraşdırılmasından sonra smartfonun avtonom rejimdə çalışma müddətinin necə dəyişdiyini öyrənmək üçün bloqqerlər iOS 14-dan başlayaraq 5 iOS versiyasını bir iPhone modelində test ediblər. Bu barədə 4pda saytı xəbər verib.

iAppleBytes Youtube kanalının müəllifləri müxtəlif iOS versiyasına sahib 5 ədəd iPhone 6s smartfonunu test ediblər. Test olunmuş iOS versiyaları arasında iOS 10.3.3, iOS 11.4.1, iOS 12.1, iOS 13.7 və iOS 14 əməliyyat sistemləri olublar. Testlər keçirilməmişdən əvvəl hər 5 iPhone 6s modeli 100% enerji ilə təmin edilib və ekranın parlaqlıq səviyyəsi 25% təyin edilib. Test zamanı hər bir smartfonda maksimal avtonom rejimdə Geekbench bençmark tətbiqi işə salınıb.

Test nəticələrinə əsasən ən çox enerji sər edən iOS versiyası iOS 12.1 olub. Belə ki, bu versiyaya sahib iPhone 6s-in enerji səviyyəsi 20%-ə düşən zaman digər smartfonlarda enerji səviyyəsi 50%-dən bir qədər çox olub. Yekun olaraq iOS 12.1-ə sahib iPhone 6s 1 saat 53 dəqiqə, iOS 13.7-yə sahib iPhone 6s 3 saat 3 dəqiqə, iOS 14-ə sahib iPhone 6s 3 saat 4 dəqiqə, iOS 11.4.1-ə sahib iPhone 6s 3 saat 13 dəqiqə, iOS 10.3.3-ə sahib iPhone 6s isə 3 saat 32 dəqiqə enerji saxlayıb. Beləliklə iOS 10.3.3 əməliyyat sistemi daha çox çalışma müddətini sərgiləyib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.