Maraqlı

Sinqapurda 5 dəqiqəyə koronavirusu aşkar edən test hazırlanıb

26 Mart 2020 20:30
0 Şərh     Baxış: 1 511
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sinqapur alimləri 5 dəqiqə ərzində koronavirusu aşkarlamağa imkan verən ekspress test hazırlayıblar.

Milli.Az APA-ya istinadən xəbər verir ki, İnkişafı Elm, Texnologiya və Tədqiqatlar Agentliyinin əməkdaşları tərəfindən ixtira edilən test "Cepat" adlandırılıb.

Laboratoriyanın müdiri professor Ceki İn açıqlamasında bildirib ki, "Cepat" testinin kütləvi istifadəsi üçün bir ay ərzində lisenziyanın alınacağını gözləyirlər.

Onun sözlərinə görə, tədqiqatların yüksək dəqiqliyinə tam əmindirlər: "Dövlət xəstəxanalarından birində aparılan klinik tədqiqatlar bunu deməyə əsas verir. Lisenziya alındıqdan sonra testlər yalnız xəstəxanalarda deyil, bütün klinikalarda aparılacaq".

Qeyd edək ki, Sinqapurda 558 nəfər koronavirusa yoluxub. Onlardan 150-dən çoxu sağalıb, 2 ölüm halı qeydə alınıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.