Maraqlı

VW Atlas Cross Sport modelini təqdim edib - VİDEO - FOTO

17 Oktyabr 2019 22:01

0 Şərh Baxış: 1 057

#FOTOSESSİYA #AVTO

Volkswagen şirkəti Atlas krossoverinin yeni versiyasını təqdim edib. VW Atlas Cross Sport adlandırılmış beşyerli model üçüncü oturacaq cərgəsini itirməklə yanaşı, alçalan dam xəttinə malik olan kuzova sahib olub.

Milli.Az autograph.az-a istinadən bildirir ki, yeni kupe-krossover Atlas modelindən təkcə profili ilə deyil, həmçinin tamamilə dəyişdirilmiş ön və arxa hissəsi ilə seçilir. Atlas modeli ilə eyni təkər bazasına malik olmasına baxmayaraq, Atlas Cross Sport əsasında inşa edildiyi krossoverdən qısa, alçaq və enlidir. Yeni krossoverin salonunda başqa sükan çarxını, qapı və oturacaqlardakı seçilən tikişləri, virtual cihazlar panelini, smartfonların naqilsiz doldurulması sistemini və 12 dinamikli Fender səs sistemini görmək olar.

Eyni zamanda, ödənilmiş beşillik abunəsi olan Volkswagen Car-Net onlayn-servisi də yenilənib. Avtomobilin sahibi xüsusi tətbiqin köməyi ilə məsafədən mühərriki işə sala və smartfonda hazırlanmış marşrut xəttini naviqasiya siseminə göndərə bilər. Bundan başqa, iki aktiv təhlükəsizlik sistemi də yenilənib: 60 km/saat həddinə qədər sürətlərdə işləyən tıxac assistenti və nişanların oxunması sistemi.

VW Atlas Cross Sport modelinin mühərrik çeşidi adi Atlas modeli ilə eynidir. Krossover 238 at qüvvəsi və 350 Nm fırlanma anı hasil edən 2,0-litrlik dördsilindrli turbomühərrik, həmçinin 280 at qüvvəsi və 360 Nm fırlanma anına malik olan 3,6-litrlik VR6 mühərriki ilə təklif edilir. Ötürmələr qutusu - 8-pilləli "avtomatdır". Çəkiş sistemi öndən və tam ötürməli ola bilər.

Atlas Cross Sport krossoverini Atlas və Passat modellərinin istehsal edildiyi Çattanuqadakı (Tennesi ştatı) zavodda istehsal edəcəkdirlər.

Milli.Az