Maraqlı

“WannaCry” virusunun versiyaları durmadan artır

21 Sentyabr 2019 08:01
0 Şərh     Baxış: 634
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"WannaCry" fırıldaqçı virusunun yayılmasından iki il ötməsinə baxmayaraq o aktiv olmaqla yanaşı, rekord sayda kompüterlər üçün təhlükə törədir. Bu barədə kibertəhlükəsizlik texnologiyalarında ixtisaslaşan "Sophos Labs" şirkətinin tədqiqatında deyilir.
 
Milli.Az ictnews.az-a istinadən bildirir ki, ekspertlər tərəfindən virusun yarandığı gündən indiyədək 12 480 variantı aşkarlanıb. Aşkarlanan virusların təxminən 98 faizi 2700 modifikasiyanın payına düşür. Onlar vaxtilə virusun yayılmasının qarşısını alan mühafizə sistemlərini keçməyə başlayıblar.
 
Təkcə 2019-cu ilin avqustunda "Sophos" şirkətinin telemetrik sistemləri tərəfindən "WannaCry" versiyaları vasitəsilə  4,3 milyon hücumun həyata keçirilməsi müəyyənləşdirilib. Avqustun yekunu üzrə şifrləyici virusun 6963 variantı aşkarlanıb ki, onun da 80 faizi yenidir.
 
"WannaCry" virusu 2017-ci ildə yayılmağa başladıqdan sonra təhlükələrlə bağlı vəziyyət həmişəlik dəyişib. Tədqiqatdan məlum olub ki, hələ də çoxlu nasaz kompüterlər var", - şirkətin təhlükəsizlik üzrə mütəxəssisi Piter Makkenzi bildirib.
 
Qeyd edək ki, zərərli proqram təminatı iki komponentdən - "SMB" virusu və bilavasitə fırıldaqçı proqramdan ibarətdir. Virus fırıldaqçı proqramı əvvəlcə lokal şəbəkədə, daha sonra internet vasitəsilə yayır.
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.