Maraqlı

Payızda çiçəkləyən afelandra

19 Sentyabr 2019 22:25
0 Şərh     Baxış: 807
VTB-də minimal faiz dərəcəsi ilə nağd kredit 9.9%-dən
#MARAQLI

Afelandra vətəni Mərkəzi Amerika və Braziliya hesab olunan tropik bitkidir, rütubətli mühitə qarşı kifayət qədər dözümlüdür. Bitkinin adı yunan dilindən tərcümədə "sadə kişi" deməkdir.

Milli.Az AZƏRTAC-a istinadən bildirir ki, gülçülüklə məşğul olanlar afelandranı xarakterik sarı naxışlı gözəl yarpaqlarına görə sevirlər. Payız yaxınlaşanda afelandranı uzunluğu 10-20 santimetr olan qozayabənzər hamaşçiçəklər bəzəyir və 6-8 həftə bitkinin üstündə qalır. Əlverişli mühit yaradılsa, il ərzində öz formasını saxlayır. Afelandra digər tropik bitkilərlə həmahənglik təşkil edir.

Ev şəraitində becərilən afelandra 30-50 santimetrə qədər böyüyür. Bitkini sakitlik dövründə budayırlar. Temperatur dəyişkənliyinə o qədər də tələbkar deyil. Onun becərildiyi otağın temperaturu 15-16 dərəcədən aşağı düşməməli, yayda isə 22-25 dərəcə aralığında olmalıdır.

Kifayət qədər işıqsevəndir, lakin bu heç də bitkinin birbaşa günəş şüaları altında saxlanılması demək deyildir, çünki həmin şüalar onu məhv edə bilər.

Afelandranın əkildiyi torpağı iki-üç ildən bir dəyişdirmək lazımdır. Onu yazın əvvəllərində toxumla da çoxaltmaq olar. Afelandra adətən payız mövsümündə çiçəkləyir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.