Maraqlı

Şumaxerin TƏSİRLİ EŞQ HEKAYƏSİ: 5 ildir ki, ayılmasını gözləyən, müalicəsinə hər ay yüz min xərcləyən qadın - FOTO

8 Sentyabr 2019 19:39
36 Şərh     Baxış: 11 985

Mixael Şumaxerin kim olduğunu bilməyən adam yoxdur. Formula-1 üzrə yeddi qat dünya çempionu 2012-ci ildə keçirdiyi qəza nəticəsində karyerasını başa vurur.

Xizək sürərkən Mixael yıxılır və başı daşa dəyir. O vaxtdan bəri məşhur idmançı yataq vəziyyətində olsa da, sevimli həyat yoldaşı Korinna hər gün ümid edir ki, əri nə zamansa yenidən həyata qayıdacaq...

Milli.Az Şumaxerin fədakar ömür-gün yoldaşı Korinna Betç haqqında olan məqaləni təqdim edir.

Korinna Betç 2 mart 1969-cu ildə Almaniyanın Halfer şəhərində anadan olub. Uşaqlıqdan at sürmə ilə məşğul olur və atlara pərəstiş edir.

O, Maykl ilə 1989-cu ildə tanış olub. Ancaq qız onda başqa bir idmançı Heinz-Harald Frentzen ilə görüşürdü. İki il sonra qız sevgilisindən ayrılır. Korinnaya qarşı biganə olmayan Şumaxer bu fürsəti əldən vermir və eşqini elan edir. Beləliklə cütlük dörd il görüşdükdən sonra rəsmi nikah bağlayır.

Ailədəki münasibətlər həmişə mükəmməl olub. Korinna ərini hər şeydə dəstəkləyirdi, bununla belə yarışlarda iştirak edən Mixaeldən daim narahat idi, çünki heç kimə sirr deyil ki, bu idman çox təhlükəli sayılır və ölüm halları baş verməsi riski yüksəkdir. Əlbəttə ki, bunun əri üçün nə qədər vacib olduğunu dərk edərək onun hər qələbəsinə ürəkdən sevinirdi.

Amma Mixaelin yarışa olan sevgisini bildiyi üçün onu bu təhlükəli fəaliyyətdən yayındırmağa heç bir cəhd göstərməmişdi. Avropa Atçılıq Çempionatının qalibi olan Korinna idman ehtirasının qüdrətinə bələd idi. Odur ki, o, ərinin qəyyum mələyi və talismanı olmağı seçir. Şumaxer özü də müsahibələrində həyat yoldaşını qoruyucu mələyi kimi təqdim edərdi.

Korinna öz növbəsində sevimli hobbisi ilə məşğul olmağa davam edirdi. Texasdakı bir qəsəbədə atlar yetişdirirdi, daha sonra o, İsveçrədə məktəb açmışdı. Şagirdlərinə çox şey öyrədə bilərdi, çünki Korinna özü 2010-cu ildə Avropa Atçılıq Çempionatının qalibi olmuşdu.

Şumaxerlərin iki övladı var. 1997-ci ildə onların qızı Cina-Mariya, 1999-cu ildə oğlu Mik dünyaya gəlib. Maraqlısı budur ki, uşaqlar da valideynlərinin izi ilə gedir. Cina Maria at sürmə ilə uğurla məşğul olur, Mik artıq "Formula 3"-də iştirak edir.

Cütlük toyun onuncu ildönümünü qeyd edərkən Mixael həyat yoldaşına İsveçrənin mənzərəli bir guşəsində, gölün kənarında yerləşən bir ev hədiyyə etmişdi. Sonradan onlar daha bir neçə həyət evi almışdı. Onlardan biri Fransanın Meribel şəhərində idi, yeri gəlmişkən, məşhur pilotun qarşılaşdığı hadisə də orada baş vermişdi.

Məzuniyyəti Meribeldəki evində keçirən Mixael dağdan xizəklə enərkən yıxılır və başı daşa dəyir. Dəbilqəsi olmasaydı, onu xilas etmək çətin ki, mümkün idi. Pilot iki ciddi əməliyyat keçirir, həkimlər onu dörd ay süni koma vəziyyətinə gətirir. Altı ay klinikada müalicə aldıqdan sonra xanımı ərini kiçik şəhərcik Vufflens-le-Şato şəhərində tikdirdiyi mini-klinikaya gətirir. Korinna ərini müalicə etmək üçün hər ay yüz min frank xərcləyir.

Şumaxerin həyat yoldaşı mediaya danışmamağı üstün tutur, odur ki, məşhur idmançının vəziyyəti ilə bağlı təfərrüatı bilmirik. Ancaq deyirlər ki, o hələ də hərəkətsiz olaraq qalır və evdə əlil arabasında gəzir.

Bir müddət əvvəl Korinnanın İspaniyanın Mallorka adasında bir əmlak əldə etdiyi deyilir. İddia olunur ki, isti iqlim və dəniz havası pilotun sağalmasına kömək edəcək və onun vəziyyəti xeyli yaxşılaşacaq. (publika.az)

Milli.Az

Məqaləyə dair fotomateriallar:

loading...

Şərh yaz:

36 Şərh:

  • Anonim
    Hi · 8 Sentyabr 20:2781

    Sevir yoldasini demekki.Pul xerclemeye qalanda ele Sumaxerin pullarini xercliyirde mualicesine

    Cavab yaz
  • Anonim
    F.S.D. · 8 Sentyabr 20:33160

    Halal olsun belə qadına, əsl həyat yoldaşı belə olar. Allah köməkləri olsun. Millətindən asılı olmayaraq yaxşı qadın yaxşı həyat yoldaşı həmişə olub və olacaq.

    Cavab yaz
    • Anonim
      Ulya · 8 Sentyabr 21:08130

      Fədakar qadınlar dünyanın hər yerində var, amma bizim qadınlar qədər fədakar çətin ki, tapılar...

      Cavab yaz
  • Anonim
    Bir nəfər · 8 Sentyabr 20:58250

    Mən də illər öncə bir maşın qəzası keçirmişdim. İlyarım yataqda qaldım. İlk aylarda o qədər agrıyırdım ki ölməyə belə razı idim.Uşaqların anası ilyarım bir addım da çəkilmədi yanımdan.Çox vaxt elə stolda oturdugu yerdə yuxusunu alırdı. Bir gün agrılar o qədər şiddətləndiki,haray-həşir saldı, agrıkəsicilər vurub sakitləşdirdilər. Bir dəfə yalvardım ki imkan ver ölüm qurtulub bu əzablardan. Qayıtdıki qoymaram öləsən, zəhmət çək sagal, uşaqlarını böyüt, sonra səni özüm öldürəcəm. Artıq uşaqlar böyüyüb ,əminəmki bir gün verdiyi sözü tutacaq)

    Cavab yaz
    • Anonim
      Papatya · 8 Sentyabr 21:07220

      Allah uzun omurler versin her ikinize. Kecen defe oxuyuram ki, bes erle arvadin en yaxsi anlaşdiği dovr 80yaşdi. Ne qadin duz əməlli danişa bilir, ne de kişi duz əməlli eşide)) ora qeder calişin ozunuzu qoruyun.) Sonrasi Allah Kərim.

      Cavab yaz
      • Anonim
        Bir nəfər · 8 Sentyabr 21:4280

        Çox sag olun,təşəkkür edirəm,Allah sizə də uzun ömürlər versin.Təsəvvür etdim özümü 80 yaşında)

        Cavab yaz
    • Anonim
      Ulya · 8 Sentyabr 21:1790

      Allah mehriban etsin ikinizi də.

      Cavab yaz
      • Anonim
        Bir nəfər · 8 Sentyabr 21:4250

        Sag oun Ulya xanım.

        Cavab yaz
    • Anonim
      F.S.D. · 8 Sentyabr 21:33110

      Allah hər ikinizə uzun ömür versin bir yerdə qoşa qarıyasınız. Halal olsun belə qadınlarımıza, övlad nə qədər yaxşı olsada həyat yoldaşının yerini vermir. Allah can sağlığı versin. Düz deyib indidə icazə verməyəcək, nəvələrinizi nəticələrinizi bir yerdə böyüdün

      Cavab yaz
      • Anonim
        Bir nəfər · 8 Sentyabr 21:4451

        Sag olun,sizə də uzun ömür arzu edirəm. Bir şey qorxuludu ki,verdiyi sözü həmişə tutub)

        Cavab yaz
        • Anonim
          F.S.D. · 9 Sentyabr 09:3520

          Salam, Siz danışdıqca ağıllı xanımınıza, elə özünüzə hörmətim artır, var olun, cansağlığı ilə uzun xöşbəxt ömür yaşayın. Qorxmayın o sözünün mənası heç vaxt əlinizi buraxmaram deməkdir. Rahat xöşbəxt uzun ömür yaşayın, həyatın bütün gözəllikləri Sizin, gözəl övladlarınızın olsun

          Cavab yaz
    • Anonim
      asi · 8 Sentyabr 22:2130

      Mən səni tanımağına tanıdım, amma özümü tanımamış kimi aparıb guya ki))..Uşaqların anası ilə hələ indən belə uzun-uzun illər yaşayıb nəvə nəticə toyu edəsiz sağ salamat..Ən azı 50 ildən sonra kim kimi öldürə öldürə).. Hər ehtimala qarşı ayıq sayıq ol)..

      Cavab yaz
      • Anonim
        Papatya · 8 Sentyabr 22:3920

        Asi, eslinde men de tanimişdim. Ona gore fikir bildirdim men de) yeqin ki, yanilmiriq)

        Cavab yaz
        • Anonim
          Bir nəfər · 8 Sentyabr 23:0900

          Salam,Papatya xanım. Həbibin Əlhəmdulillah deməyinə fikrinizə güldüm bir az, mənim gün ərzində ən çox eşitdiyim sözdür o söz)

          Cavab yaz
          • Anonim
            Papatya · 8 Sentyabr 23:3810

            Və aleykum salam. "Konkret lezzet edir" sozume? :)Men qarşidaki insana gore xarakter deyişenleri, tribunaya oynayanlari sevmirem. Adam ne dininden utanmir, ne inancindan. Urekle de deyir. Xoşuma gelmesin,.neynesin bes?)

            Cavab yaz
            • Anonim
              Bir nəfər · 8 Sentyabr 23:4910

              ,,Əlhəmdulillah" sözünə). Uşaqların anasından nə soruşsan deyir, əlhəmdulillah. Bu söz Şimali Qafqazda daim deyilən sözdür

            • Anonim
              Papatya · 8 Sentyabr 23:5710

              MaşaAllah. Ailesine bagli, nəcib bir xanim xəyalimda canlanir az cox siz danişdiqda. Hemise şukur içinde olsun təki.

      • Anonim
        Bir nəfər · 8 Sentyabr 22:4400

        Axşamın xeyir,necəsən? Çoxdan idi yox idim buralarda,bu gün baxası oldum,yorgun idim ona görə fikirləşdimki sabah salamlaşım sizinlə,amma imkan vermədin). Arzularına görə çox sag ol,sizə də eyni şeyi arzu edirəm.Dəqiq bilirəmki mən heç kimi öldürə bilmərəm, amma bəhs etdiyim adam başkəsən tayfadandı).

        Cavab yaz
        • Anonim
          asi · 8 Sentyabr 22:5220

          Axşamın xeyir.. o başkəsən tayfadandırsa, biz də saç yolan tayfadanıq)).. Ölməmişik ki.. Harayına çatarıq dar gündə)..

          Cavab yaz
          • Anonim
            Bir nəfər · 8 Sentyabr 23:0710

            Qorxuram harayıma çatmaga gecikərsiz). Bunları tanıman lazım)

            Cavab yaz
  • Anonim
    GƏNCƏLİ AVROPADAN... · 8 Sentyabr 21:2452

    Bunlarda vəfa bir az interesni məslədir... Bəlkə də Şumaxerdə hər şey normal olsaydı çoxdan ayrılmışdılar.... Bir gün bərk xəstə idim, gecə 10 idi, heyim yox idi, çox az müddət görüşdüyüm (bu görüşlərdən bir ay keçmişdi təxminən) qıza dedim ki, xəstəyəm mənə dərman al gəl. (hərçənd ümid eləmirdim gəlməyinə, amma qapını da açıq qoydum ki, bir də ona durmayım) Qız belə desək Bakı ilə müqayisədə Əhmədlidən Lökbatana durdu gəldi(o zaman maşını yox idi) ...12-nin yarısı zad olardı, baxdım Sarah başımın üstündədir. İnanırsınız, o qız mən yatana kimi mənə necə qulluq etdi, (yuxuya gedəndən sonrasından xəbərim olmayıb) səhər ayılanda baxdım ki, mən yatdığım kravata perpendikulyar oturaqlı yatıb, hərçənd o biri otaqda divan zad da var yatmağa, səhər işə də getmədi qaldı spanaq şorbası zad bişirdi....

    Cavab yaz
    • Anonim
      F.S.D. · 9 Sentyabr 09:3710

      GƏNCƏLİ, maraqla oxudum axırı necə oldu, niyə yazmadınız? Sağalandan sonra Siz onu atdınız?(((

      Cavab yaz
  • Anonim
    Adsiz · 8 Sentyabr 22:0320

    Genceli qardaw spanaq worbasindan sonra ne oldu. Esas mesele hekayenin maraqli yerinde uc noqte.....

    Cavab yaz
    • Anonim
      GƏNCƏLİ AVROPADAN... · 8 Sentyabr 22:1310

      Sağaldım, qaqa))))

      Cavab yaz
      • Anonim
        Esra Ibrahimli(Samaxi) · 9 Sentyabr 00:3040

        Ənnn coxx neye güldüm spanaq şorbasinaaa))Allah güldürsün.

        Cavab yaz
    • Anonim
      Məqbulə · 9 Sentyabr 11:4010

      İnciməyin Gəncəli, amma onun etdiyi vəfadan cox humanizmdir. Avropalılar soyuğ millət olsalar da, kömək istəyən insana yox deməzlər. Bu da zənnimcə çox vaxt dini səbəblərdən olur. Yaxud da ideoloji səbəbdən. Amma spanağ şorbası ancaq və ancaq sevgi ilə bişər.:)

      Cavab yaz
  • Anonim
    GƏNCƏLİ AVROPADAN... · 9 Sentyabr 12:1020

    O qədər tırkaladınız ki, gedib qıza lunch təklif elədim. Kim verəjəy mənim 150-200 kronumu?)))) 1 saatdan sonra lunchda görüşəcik. Gördüynüz kimi hələ də əlaqələrim qalıb, 1 aya yaxın idi görmürdüm. Bir gün yadıma salın onunlabtanışlıq hekayəmi danışım sizə. O, mənim özümün tanış ola bildiyim yeganə yerli millətdən olan qızdır.

    Cavab yaz
    • Anonim
      Məqbulə · 9 Sentyabr 12:3420

      Uğurlar:))). Başlanğıc spanağ şorbası ilə olsun:)))

      Cavab yaz
      • Anonim
        GƏNCƏLİ AVROPADAN... · 9 Sentyabr 13:0100

        )))) sağ ol

        Cavab yaz
    • Anonim
      Məqbulə · 9 Sentyabr 12:3810

      Uğurlar:))). Başlanğıc spanağ şorbası ilə olsun:)))

      Cavab yaz
    • Anonim
      mamuska · 9 Sentyabr 13:1800

      Cenceli balasi,eger evli,aileli deyilsense ve o qiz da senin kriteriyalarina uygun gelirse,dediyin kimi ozu de azerbaycanli qizidirsa,neyi gozleyirsen...ele qizi qurbetde ciraqla axtarib tapmaq isteyenler var,o ise senin yataginin basinda yatib,sene qulluq edib.sene ugurlar...

      Cavab yaz
      • Anonim
        GƏNCƏLİ AVROPADAN... · 9 Sentyabr 15:3010

        Yox, qaqa, azərbaycanlı olsaydı nə vardı ki?! Bunlar bizim böyüdüyümüz mentalitet adlı məfhuma heç uyğun deyillər. Nəinki kriteryalar)))

        Cavab yaz
        • Anonim
          F.S.D. · 9 Sentyabr 15:5900

          Gəncəli, hər halda bizim avroplaşmağı, müasirləşməyi, sərbəstliyi tərsinə başa düşən bəzi fatmalarımzdan yaxş olar, ispanaq şorbasını bişirməyi, qulluq etməyi bacarırsa müasibətinizi ciddiləşdirə bilərsiniz. Tanışılıq hekayəniz də oxumaq çox maraqlı olardı. yazarsınız zəhmət olmasa .

          Cavab yaz
          • Anonim
            Zəhra · 9 Sentyabr 17:5000

            İlk dəfə bir şərh bu qədər maraqlı gəldi. Yazın da Gəncəli. F. S. D xanıma qatılıram və salamlayıram müəlliməni

            Cavab yaz
        • Anonim
          Zəhra · 9 Sentyabr 17:5611

          Salam Gəncəli o biri səhifədə dinlə bağlı da yazmısız. Bu mövzuda da sizi əlavə olaraq alqışlayıram sadəcə. Uzun müddətdir idi ki ,1 dəfə oxumaqla beynimə daxil olub mənə həzz verən şərhoxumamışdım. :)

          Cavab yaz
  • Anonim
    Gencelie · 23 Sentyabr 00:2400

    Biraz az basib bagla, menki bilirem yalan daniwdigin. Get biraz ailenler maraglan. 40 yawin var ayibdi

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.