Maraqlı

"Ford" cərimələnib

7 İyun 2019 00:45
0 Şərh     Baxış: 1 487
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #ÇİN #AVTOMOBİL

Çinin Bazar Tənzimlənməsi üzrə Dövlət Administrasiyası "Ford"un Çindəki müştərək müəssisə olan "Changan Ford Automobile" şirkətini inhisarçılığa görə 162,8 milyon yuan (təxminən 23,6 milyon ABŞ dolları) məbləğində cərimələyib.

Milli.Az AZƏRTAC-a istinadən bildirir ki, administrasiya "Changan Ford Automobile" şirkətinin 2013-cü ildən bəri Çinin antiinhisar qanununun tələblərini pozaraq Çunçin şəhərindəki satış dilerlərində avtomobillərin minimum qiymətini məhdudlaşdırdığını müəyyən edib. Qurumun bəyanatında deyilir ki, şirkətin bu cür yanaşması şəhərdəki kiçik dilerləri qiymət muxtariyyətindən məhrum edib, onların rəqabət imkanlarını məhdudlaşdırıb.

Dövlət Administrasiyası qeyd olunanları əsas götürərək, şirkəti Çunçin şəhərində 2018-ci il satışlarının 4 faizi məbləğində cərimələmək barədə qərar qəbul edib.

"Changan Ford Automobile" 2001-ci ildə "Ford" və Çinin "Changan" şirkətlərinin müştərək müəssisəsi kimi yaradılıb. Hazırda Çunçin şəhərində istehsal sahəsi "Ford"un Detroytdakı zavodundan sonra dünyada ikinci ən böyük zavodudur. "Changan Ford"un bundan başqa Xancou və Xarbin şəhərlərində də zavodları fəaliyyət göstərir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.