Maraqlı

Xüsusi Bugatti Chiron - FOTO

21 Mart 2019 16:30
0 Şərh     Baxış: 696

Bu il Bugatti-nin 110 yaşı tamam olur. Şirkət yubiley münasibətilə xüsusi Chiron Sport 110 Ans təqdim edib. İdman versiyasında hiperkara əsaslanan bu avtomobildən cəmi 20 ədəd buraxılacaq. Onlar tutqun polad rəngindədir və Fransa bayrağındakı rənglərdə karbon lifindən elementlər alıblar.

Milli.Az auto.az-a istinadən bildirir ki, Chiron Sport 110 Ans Edition, həmçinin xüsusi tutqun qara rəngdə yüngüllehimli Nocturne diskləri alıb. Onların arxasında isə French Racing Blue əyləc supportları görünür.

Analoji rəng qammasından superkarın salonunda da istifadə edilib - Deep Blue dəri üzlük, alkantaradan işləmə, karbon lifindən əlavələr və boyun altılarda qırmızı-ağ-göy rənglərdə 110 Ans Bugatti emblemi.

Bundan əlavə, karbon lifindən olan qabaq paneldə xüsusi gümüşü medalyon var və üzərində markanın yubileyi qeyd olunub. Sürücünün və sərnişinin baş üzərində isə Sky View şəffaf dam yerləşdirilib.

Chiron Sport ilə müqayisədə, bu versiyanın kapotu altında elə bir dəyişiklik yoxdur. Onlara heç ehtiyac da yoxdur. Belə ki, 8-litrlik, 4-turbinli W16 1479 a.g. və 1600 Nm fırlanma anı verir.

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.