Maraqlı

Koreya Respublikasında hərf muzeyi yaradılacaq

13 Fevral 2019 08:59

1 Şərh Baxış: 704

VTB-də minimal faiz dərəcəsi ilə nağd kredit 10.49%-dən

#MARAQLI

Koreya Respublikasının İnçon şəhərində müxtəlif xalqların dillərinə aid hərfləri toplamaq, nümayiş etdirmək və araşdırmaq məqsədilə xüsusi muzey yaradılacaq.

Milli.Az AZƏRTAC-a istinadən bildirir ki, paytaxt Seulun qərbində yerləşən və ölkənin ən böyük hava limanının olduğu İnçon şəhərindəki hərf muzeyinin inşasına iyul ayında başlanılacaq.

Şəhər bələdiyyəsinin məlumatına əsasən, 2021-ci ildə hazır olacaq üçmərtəbəli muzeyin ümumi sahəsi 19 min kvadratmetrdən çox olacaq. Muzey ən qədim vaxtlardan günümüzədək hərflərlə bağlı maddi və qeyri-maddi nümunələri toplayaraq, onların akademik araşdırmasına dəstək vermək və həmin nümunələrin nümayişinin təşkili ilə məşğul olacaq.

Qeyd edək ki, oxşar muzey Berlində də fəaliyyət göstərir.

Milli.Az