Maraqlı

Dəliksiz ilk smartfon hazırlanıb

29 Yanvar 2019 08:41
0 Şərh     Baxış: 1 927
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Çinin "Meizu" şirkəti tərəfindən təqdim edilmiş "Zero" adlı smartfonda SİM kart üçün slot və dinamik üçün dəlik yoxdur.
 
"Vivo" şirkəti, həmçinin müvafiq texnologiya üzərində işləyir və hətta onu cari ilin fevralında "Mobile World Congress"də təqdim etməyi planlaşdırırdı, ancaq "Meizu" şirkəti onu qabaqlayıb.
 
Milli.Az ICTnews-a istinadən bildirir ki, yeni smartfonda düymələri "Samsung Galaxy S8/S9" və "iPhone 7,8" modellərində istifadə olunan "3D touch" texnologiyası ilə təchiz edilmiş sensor panellər əvəz edir. Dinamiklər ekran vasitəsilə ötürülən səslərin vibrasiyası yolu ilə kompensasiya edilir. Bu texnologiya ilk dəfə "Xiaomi" şirkəti tərəfindən istifadə edilib, amma "Meizu" onu daha da  təkmilləşdirib.
 
Telefonda enerji doldurmaq üçün dəlik sürətli enerji doldurma texnologiyasını dəstəkləyən simsiz texnologiya ilə əvəz edilib. Qulaqlıqlar yalnız "Bluetooth 5.0" texnologiyası vasitəsilə qoşulur və işləyir.
 
"Meizu" şirkəti yeni smartfonunu "virtual eSIM" texnologiyası ilə təchiz edib. Ancaq bu texnologiya dünyanın bir çox ölkələrində dəstəklənmir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.