Maraqlı

Cennifer Lopes məşhur universitetdə işçi axtarır - FOTO

8 Noyabr 2018 09:31

0 Şərh Baxış: 2 805

#MARAQLI

Məşhur amerikalı aktrisa və müğənni Cennifer Lopes qeyri-rəsmi nikahda olduğu Aleks Rodrigeslə birlikdə Stenford Universitetində olublar.

Milli.Az Daily Mail-ə istinadən bildirir ki, 49 yaşlı Lopeslə 43 yaşlı Rodriges Kaliforniya ştatındakı Palo-Alto şəhərində yerləşən, dünyanın ən nüfuzlu ali təhsil müəssisələrindən biri sayılan universitetdə çəkilmiş fotolarını İnstagram profillərində paylaşıblar.

Cennifer Lopes səfərin məqsədini açıqlamasa da, Rodriges "işçi axtarırıq" yazıb.

Universitetdə olarkən Lopeslə Rodriges Stenford Ali Biznes Məktəbinə də baş çəkiblər.

Onları kütləvi informasiya vasitələri üzrə mütəxəssis, 25 illik təcrübəyə malik Ellison Krüger müşayiət edib.

Cennifer Lopesin sabiq əri, müğənni və bəstəkar Mark Entoni ilə nikahdan Maksimillian və Emma adlı iki əkiz övladı, Aleks Rodrigesin isə sabiq xanımı Sintiya Skertislə nikahdan Ella və Nataşa adlı iki qızı var.

Milli.Az