Dünyanın ən məşhur müğənnilərindən biri, 60 yaşlı amerikalı Madonnanın qızı Lurdes Mariya Çikkone-Leon Nyu-York şəhərində keçirilən "New York Fashion Week" moda şousunda iştirak edib.
Milli.Az People-a istinadən bildirir ki, 21 yaşlı Lurdes "Gypsy Sport" brendinin yeni kolleksiyasının nümayişi zamanı podiuma çıxıb.
Qurşaqdan yuxarı çılpaq olan Lurdesin əynində balıqqulaqları ilə bəzədilmiş zəncirlər, cırıq və yamaqlı cins şalvar vardı.
Lakin diqqəti bu ekstravaqant "geyim" yox, Lurdes Leonun tüklü ayaqları cəlb edib.
1996-cı ilin oktyabrında doğulmuş Lurdesin atası aktyor, o dönəmdə Madonnanın fitnes-məşqçisi olmuş kubalı Karlos Leondur. Lurdes doğulandan 7 ay sonra Madonna ilə Leon ayrılıblar.
Madonna qızını Fransadakı Lurd şəhərinin şərəfinə belə adlandırıb.
Milli.Az