Maraqlı

Avropanın ən varlı qadını nə istəyir?

24 Avqust 2011 13:43
Baxış: 1 123
VTB-də minimal faiz dərəcəsi ilə nağd kredit 9.9%-dən
#L'OREAL S.A. #ACCOR SA #FİNANCİERE MARC DE LACHARRİERE (FİMALAC)
Milli.Az xəbər portalı "The Wall Street Journal"a istinadən bildirir ki, Avropanın ən zəngin qadını, "L'Oreal" kosmetika korporasiyasının varisi Lilian Betankur Fransa hökumətini varlılara qarşı yeni vergi tətbiq etməyə çağırıb.

Betankurun təklifini ölkənin ən varlı ailələrindən 15-nin nümayəndələri, o cümlədən "Total" neft-qaz korporasiyasının rəhbəri Kristof de Marjeri və "Publicis" reklam agentliyinin prezidenti Moris Levi, habelə Deni Henneqin ("Accor"), Mars Ledre de Laşer ("Fimalac"), Frederik Odea ("Société Générale"), Klod Podre ("Le Nouvel Observateur"), Jan Peyreleve ("Leonardo & Co") və s. dəstəkləyiblər.

Yeni vergi sayəsində Fransanın 2012-ci ildə prezident seçkilərini büdcəyə əlavə xərclər olmadan və adi vətəndaşların vergi yükünü çoxaltmadan keçirə biləcəyi vurğulanır. Bundan başqa, varlılara tətbiq olunacaq yeni vergi dövlət xərclərini də azalda bilər.

Gələn ilin sonunadək Fransa dövlət xərclərini 13 milyard avro ixtisar etmək niyyətindədir.
Lilian Betankurun 20 milyard dollarlıq varidatı var.
Ötən ildə ona qarşı cinayət işi qaldırılmışdı. Betankur vergilərdən yayınmaqda və prezident seçkilərində Nikolya Sarkozini qanunsuz maliyyələşdirməkdə suçlanmışdı.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.