PUL
.jpg)
Suriyanın Rəqqa şəhərinin yaxınlığında "Ağ Dul" ləqəbli britaniyalı Salli Cons həlak olub. "İraq və Şam İslam Dövləti" (İŞİD) terror təşkilatının faktiki paytaxtı olan bu şəhərdə yaşayan 50 yaşlı S.Cons terror təşkilatının Avropa ölkələrində yeni üzvləri sıralarına cəlb etməsinə cavabdeh olan Cüneyd Hüseynin arvadı idi.
Milli.Az The Times-a istinadən bildirir ki, S.Cons və onun 12 yaşlı oğlu Coco Rəqqadan qaçmağa çalışanda ABŞ-ın "Predator" tipli pilotsuz uçan aparatından (PUA) buraxılmış raketlə vurulublar.
Rəsmi London "Ağ dul"un ölümünü təsdiqləyib.
Salli Cons sabiq musiqiçidir və İŞİD-ə qoşulmazdan əvvəl Londonda "L'Oreal" şirkətində çalışırdı.
İngiltərənin Kent qraflığındakı Çetem şəhərindən olan "Ağ dul", habelə "Umm Hüseyn Britaniya" kimi tanınan Salli Cons 2013-cü ildə Cüneyd Hüseynə qoşularaq Suriyaya yollanmış, İŞİD-ə qoşulmuşdu.
C.Hüseyn Avropada ən azı 12 terror aktının hazırlanmasında iştirak edib. 2015-ci ildə o, qətlə yetiriləndən sonra S.Cons ərinin qisasını alacağını bildirib, ilk britaniyalı "canlı bomba" olub.
"Ağ dul" Qərbdə bir sıra teraktları reallaşdırmağı planlaşdıran qrupa rəhbərlik etdiyini də demişdi.
S.Consun 12 yaşlı oğlu Coco İŞİD-in Rəqqada gerçəkləşdirdiyi bir neçə edamda iştirak edib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
2rfh574756.jpg)
.jpg)
.png)
