Maraqlı

Ən dəbdəbəli Volvo - FOTO

17 Aprel 2015 19:39

0 Şərh Baxış: 2 195

#AVTO #VOLVO AB

Milli.Az 4charx.com-a istinadən bildirir ki, Volvo şirkəti ictimai debütü bir neçə gündən sonra Şanxayda nəzərdə tutulan ən dəbdəbəli XC90 Excellence yolsuzluq avtomobilini rəsmi təqdim edib. İkinci nəsil model bazasında hazırlanmış avtomobil çoxlu eksklüziv tərtibat elementləri, havalanma və masaj funksiyalı iki müstəqil arxa kürsü və büllur bokal dəsti əldə edib.

Bundan əlavə arxa sərnişinlərin ixtiyarına siyirmə sensor monitorlar verilib. Onların köməyi ilə avtomobilin bir çox funksiyalarını idarə etmək mümkündür.

Xüsusi ion filtr sistemi və 19 səsgücləndiricili yüksək keyfiyyətli Bowers & Wilkins akustik sistem dörd sərnişinin ixtiyarına verilib. Əlbəttə ki, salon bütünlüklə yüksək keyfiyyətli dəri ilə işlənib və dövrələmə işıqlandırma əldə edib.

Şəkillərə əsasən demək olar ki, avtomobil XC90 T8 hibrid modifikasiya bazasında hazırlanıb. Bu o deməkdir ki, dəbdəbəli yeni model toplam 400 a.g. və 640 Nm fırlanma anına sahibdir.

Milli.Az

Böyütmək üçün şəkillərə klikləyin.