Maraqlı

Bu rəqsi heç zaman unutmayacaqlar - VİDEO

8 Mart 2015 15:08

0 Şərh Baxış: 3 225

#MARAQLI #VİDEO

Qozbel balina xilasediciləri heyran qoyub.

Balinaların qorunması üzrə layihənin banilərindən olan Gerşvin Kolomb maraqlı hekayət danışıb.

Milli.Az KP-yə istinadən bildirir ki, hadisə 2011-ci ildə Kaliforniya körfəzində (Kortes dənizində) olub. Bir qrup ekoloq suyun üzərində həyat əlamətləri olmayan qozbel balina görüblər. Qrupun rəhbəri Maykl Fişbax suya tullanıb, nəhəngin ətrafında üzərkən görüb ki, balinanın quyruğu ilə üzgəclərinə balıqçı toru dolaşıb.

Nəhəng məməlinin Bu vəziyyətdə nə qədər qaldığı məlum deyildi. Amma bunu fikirləşməyə vaxt da yoxdu. Xilasedicilər toru bıçaqlarla kəsməyə başlayıblar. Tordan qurtulduqca balina cana gəlib.

Onu tam xilas etdikdən sonra gördükləri isə ekoloqları heyrətləndirib. Düz 40 dəqiqə müddətində nəhəng qozbel balina sudan tullanaraq sevincini bildirib.
Xilasedicilər də bunu "təşəkkür rəqsi" adlandırıblar.

Milli.Az